চিটাৰা ডেস্ক, 18 ফ্ৰেব্ৰুৱাৰী: অনাগত ফাকুৱাৰ সময়চোৱাত মুক্তি হ’বলগীয়া ছবি 'বচ্চন পাণ্ডে'ৰ শুকুৰবাৰে ট্ৰেইলাৰ মুকলি কৰা হ’ল (Bachchan Pandey Trailer) ৷ থ্ৰিলাৰ-এক্সন-কমেডি আদি বিভিন্ন ৰসৰ সমাহাৰেৰ দৰ্শকৰ মাজলৈ আহি আছে 'বচ্চন পাণ্ডে' ৷ বলীউডৰ চুপাৰষ্টাৰ অক্ষয় কুমাৰে ছবিখনত নিজৰ চৰিত্ৰৰে অন্য এক ৰূপত উপস্থাপন কৰিছে নিজকে অনুৰাগীৰ আগত (Akshay Kumar New Movie) ৷
আগতে কাহানিও নেদেখা হিংসাত্মক এজন দেশী গুণ্ডাৰ ৰূপত এইবাৰ বলীউডৰ খিলাড়ী আহি আছে ৰঙৰ উৎসৱত ৷ সদ্য় মুক্তিপ্ৰাপ্ত ট্ৰেইলাৰটো চাই এক্সনৰ লগতে হাঁহিৰ খোৰাকো পোৱা গ’ল ৷ ছবিনিৰ্মাতাৰ ৰূপত অভিনয় কৰা কৃতী সেননে বচ্চন পাণ্ডেৰ জীৱনৰ আধাৰত ছবি নিমাৰ্ণ কৰিবলৈ গৈ কি কি ঘটনা-পৰিঘটনাৰ সন্মুখীন হয় তাৰেই কাহিনী দেখিবলৈ পাব ছবিখনত দৰ্শকে ৷
- " class="align-text-top noRightClick twitterSection" data="">
আৰ্ছাদ ৱাৰ্ছি, পংকজ ত্ৰিপাঠী, সঞ্জয় মিশ্ৰাকে ধৰি কেইবাজনো জনপ্ৰিয় অভিনেতাই অভিনয় কৰিছে ছবিখনত ৷ বচ্চন পাণ্ডেৰ প্ৰেমিকাৰ চৰিত্ৰ ৰূপায়ন কৰিছে জেকলিন ফাৰ্ণাণ্ডেজে ৷ ফাৰ্হাড চামজিৰ নিদেৰ্শনাত আহিবলগীয়া ছবিখনৰ প্ৰযোজনা চাজিদ নাদিয়াডৱালা আৰু ৱাৰডা খান নাদিয়াডৱালাৰ ৷ চলিত বৰ্ষৰ 18 মাৰ্চত মুক্তি লাভ কৰিব ছবিখনে ৷
লগতে পঢ়ক: বাৰ্লিনত বগা সাজত ফটোশ্বুট কৰি অনুৰাগীক মুহিছে আলিয়াই
