চিটাৰা ডেস্ক, 15 আগষ্ট: বিগ বছ অ’টিটি ২ ৰ খিতাপ দখল কৰি ইতিহাস ৰচিলে এলভিছ যাদৱে । এলভিছে ২৫ লাখ টকাৰ ধনৰ উপৰিও লাভ কৰিলে এটা ট্ৰফী । কিন্তু আপুনি জানেনে বাৰু এলভিছ হৈছে ১৬ বছৰীয়া ‘বিগ বছ’ৰ অভিলেখ ভংগ কৰা প্ৰথমজন বিজয়ী । জানো আহক এই ৰেকৰ্ড আৰু এলভিছৰ বিষয়ে কিছু কথা ।
বিগ বছৰ ১৬ বছৰৰ অভিলেখ ভংগ কৰিলে এলভিছে
শ্ব’টোৰ মাজভাগতে ‘বিগ বছ অ’টিটি ছিজন ২’ত ৱাইল্ড কাৰ্ড এণ্ট্ৰি হিচাপে আহিছিল এলভিছ যাদৱ । শ্ব’টোত অহাৰ লগে লগে এলভিছ যথেষ্ট জনপ্ৰিয় হৈ পৰিছিল । গেম প্লেনিং তথা তেওঁৰ কমিক লাইনৰ বাবে এলভিছে ক্ৰমান্বয়ে বিগ বছ হাউচত নিজৰ অন্য এক স্থান দখল কৰিবলৈ সক্ষম হৈছিল ৷ অৱশেষত ইউটিভাৰগৰাকীয়ে লাভ কৰে ফাইনেল ট্ৰফীও। কিন্তু আপুনি জানেনে যে এই খিতাপ জয় কৰি এলভিছে ৱাইল্ড কাৰ্ড এণ্ট্ৰি হিচাপে শ্ব’টোলৈ অহা প্ৰথমজন বিজয়ী হৈ পৰিছে ।
কোন হ’ল শ্ব’টোৰ ৰানাৰ্ছ আপ ?
শ্ব’টোৰ টপ 2 প্ৰতিযোগী আছিল অভিষেক মালহান আৰু এলভিছ যাদৱ ৷ বিজয়ী ঘোষণা কৰাৰ পূৰ্বে মেকাৰে ১৫ মিনিটৰ বাবে ভোটিং লাইন মুকলি কৰিছিল । ইয়াৰ পিচতে ছলমান খানে বিজয়ী ঘোষণা কৰে । শ্ব’টোৰ ৰানাৰ্ছ আপ হয় অভিষেক মালহান ৷ মনকৰিবলগীয়া বিষয়ে যে শ্ব’টোৰ বিজয়ী আৰু শ্ব’টোৰ ৰানাৰ্ছ আপ দুয়োগৰাকীয়ে হৈছে ইউটিউবাৰ ৷
গুৰুগ্ৰামৰ বাসিন্দা এলভিছ
হাৰিয়ানাৰ গুৰুগ্ৰামৰ বাসিন্দা এলভিছ । এলভিছ এজন জনপ্ৰিয় ইউটিউবাৰ আৰু ছ’চিয়েল মিডিয়া ইনফ্লুয়েন্সাৰ । ২০১৬ চনত এলভিছে ইউটিউব যাত্ৰা আৰম্ভ কৰিছিল । Elvish ৰ youtube ত ৩ টা ভিন্ন চেনেল আছে । কেৱল এয়াই নহয়, তেওঁৰ প্ৰতিটো চেনেলতে লাখ লাখ ফ’ল’ৱাৰ আছে ।
প্ৰতিমাহে কিমান উপাৰ্জন কৰে এলভিছে ?
সংবাদ মাধ্যমৰ বাতৰি অনুসৰি এলভিছে ইউটিউবৰ পৰা প্ৰতিমাহে প্ৰায় ৮ ৰ পৰা ১০ লাখ টকা উপাৰ্জন কৰে । ইয়াৰ উপৰিও এলভিছৰ আন বহুতো ব্যৱসায় আছে যাৰ পৰা তেওঁ বহু টকা উপাৰ্জন কৰে, য’ত এন জি অ’ আৰু কাপোৰৰ ব্ৰেণ্ডো আছে সন্নিৱিষ্ট আছে ।
লগতে পঢ়ক: Tejasswi Thanking Her Fans: বিগবছ 15 ৰ ট্ৰফী জিকি অনুৰাগীক কি ক’লে তেজস্বীয়ে ?
