চিটাৰা ডেস্ক, 30 জুন: অক্ষয় কুমাৰ নিজৰ শ্ৰেষ্ঠ ছবিৰ বাবে পৰিচিত । ডাঙৰ পৰ্দাত তেওঁৰ কমেডী দক্ষতাও আছে । অক্ষয়ে বহু কমেডী ছবিত কাম কৰিছে । বৰ্তমান নিজৰ অনুৰাগীক তেওঁ দিছে এক গুড নিউজ ৷ খবৰ আহিছে যে অক্ষয় কুমাৰে সাজিদ নাদিয়াদৱালাৰ ছবি Housefull 5ৰ বাবে অভিনয় কৰিবলৈ গৈ আছে । এই বিষয়ে অক্ষয়ে নিজেই অৱগত কৰিছে আৰু এই ছবিখন কেতিয়া ছবিগৃহত মুক্তি পাব সেই কথাও ইতিমধ্যে দৰ্শকক জনাইছে । উল্লেখ্য যে হাউছফুলৰ আটাইকেইটা ফ্ৰেঞ্চাইজিতে অভিনয় কৰা অভিনেতাগৰাকীৰ এই খবৰে তেওঁৰ অনুৰাগীক খুবেই আনন্দ দিছে ৷
অক্ষয় কুমাৰৰ ঘোষণা
ছ’চিয়েল মিডিয়াত ছবিখনৰ মুক্তিৰ তাৰিখ ঘোষণা কৰিছে অক্ষয় কুমাৰে । এতিয়া অক্ষয় কুমাৰৰ Housefull 5 ঘোষণাৰ পিছত অনুৰাগীৰ মাজত আনন্দৰ জোৱাৰ উঠিছে । অক্ষয় কুমাৰে নিজৰ পোষ্টত লিখিছে, পাঁচগুণ উন্মাদনাৰ বাবে সাজু হওক, সাজিদ নাদিয়াদৱালাৰ ছবিখন পৰিচালনা কৰিব তৰণ মনছুখানীয়ে । আপোনালোকক কৈ দিও যে, যি সময়ত সাজিদ নাদিয়াদৱালাৰ ছবি সত্যপ্ৰেম কি কথাই অনুৰাগীৰ মন জয় কৰিছে সেই সময়ত Housefull 5 ঘোষণা কৰা হৈছে ।
কেতিয়া মুক্তি লাভ কৰিব ছবিখন ?
কৈ দিও যে, ২০২৪ চনৰ দীপাৱলী উপলক্ষে মুক্তি লাভ কৰিব অক্ষয় কুমাৰৰ ছবি Housefull 5 । একে সময়তে অক্ষয়ৰ অনুৰাগীৰ বাবে আশ্চৰ্যজনক কথাটো হ’ল ২০২৪ চনৰ দীপাৱলীত ছলমান খানৰ ছবি প্ৰেম কি শাদি, অজয় দেৱগনৰ সিংঘম ৩, হেৰা ফেৰী ৩ আৰু কাৰ্তিক আৰিয়ানৰ ভূল ভূলাইয়া-৩ ছবি মুক্তিৰ বাবে সাজু হৈছে । এনে পৰিস্থিতিত ২০২৪ চনৰ দীপাৱলীত বক্স অফিচত এক ডাঙৰ ধামাকা হ’বলৈ গৈ আছে ।
