যোৰহাট, 30 জানুৱাৰী: যোৰহাটত আজি এজন ২৩ বছৰীয়া যুৱক ৰজামৈদাম কলনীৰ কবৰ স্থান ফিল্ডত ড্ৰাগছ সেৱন কৰি থকা অৱস্থাতে আটক হয় ৷ ধৃত যুৱক জনে ড্ৰাগছ সেৱন কৰি থকা অৱস্থাতে স্থানীয় ৰাইজ আৰু ২ নং ৰজামৈদাম গাওঁৰক্ষী বাহিনীয়ে কৰায়ত্ব কৰিবলৈ সক্ষম হয় ৷
যোৰহাটত ড্ৰাগছ সেৱন কৰি থকা অৱস্থাত আটক এজন যুৱক
ধৃত যুৱক জনৰ নাম চাকিৰ হুছেইন বুলি জানিব পৰা গৈছে ৷ চাকিৰ হুছেইনৰ ঘৰ যোৰহাটৰ বৰপুলত ৷ আনহাতে, ধৃত চাকিৰ হুছেইনৰ ভাতৃ জিকিৰ হুছেইনও ড্ৰাগছ সৰবৰাহৰ লগত জড়িত বুলি স্থানীয় ৰাইজে অভিযোগ কৰিছে ৷
ইফালে উক্ত ঘটনাটো স্থানীয় ৰাইজে যোৰহাট আৰক্ষীক অৱগত কৰে ৷ ইতিমধ্যে ঘটনাস্থলীত যোৰহাট আৰক্ষী উপস্থিত হৈ চাকিৰ হুছেইনক আটক কৰে ৷ অধিক তথ্যৰ বাবে তদন্ত অব্যাহত ৰাখিছে আৰক্ষীয়ে ৷
লগতে পঢ়ক-শিৱসাগৰত পথ দুৰ্ঘটনাত নিহত ঐক্য সেনা অসমৰ নেতা গোলাপজান আলী
