গুৱাহাটী,১৯জুলাই: হিমাংক জ্যোতি কাশ্যপে ৰাজনীতি বিজ্ঞানত ৯৭, ভূগোলত ৯৭ , শাৰীৰিক শিক্ষাত ৯৯ , ইনফৰমেটিক্স প্রেক্টিছত ৯৭, অৰ্থনীতিত ৯২ নম্বৰ আৰু ইংৰাজী বিষয়ত ৮৯ নম্বৰেৰে সৰ্বমুঠ ৯৬.৪ শতাংশ নম্বৰ লাভ কৰিবলৈ সক্ষম হৈছে । ছাত্ৰজনৰ পিতৃ বিশ্বজিৎ দাস ছাউথ পইণ্ট বিদ্যালয়ত শিক্ষকতা কৰি থকাৰ লগতে মাতৃ মঞ্জু দাস এগৰাকী গৃহিনী । হিমাংক জ্যোতিৰ এই সফলতাত উৎফুল্লিত হৈ পৰিছে পিতৃ-মাতৃৰ লগতে বিদ্যালয়খনৰ শিক্ষক-শিক্ষয়ত্ৰী, ছাত্ৰ-ছাত্ৰীসকল ।
ভৱিষ্যতে এগৰাকী ভাৰতীয় আৰক্ষী সেৱাৰ বিষয়া হোৱাৰ সপোন হিমাংক জ্যোতি কাশ্যপৰ । হিমাংকই তৃতীয় শ্ৰেণীত অধ্যয়ন কৰি থকা দিনৰে পৰাই চিত্ৰাংকণকে ধৰি বিভিন্ন প্ৰতিযোগিতাত অংশগ্ৰহণ কৰিও সুনাম অৰ্জন কৰি আহিছে ।
