নেশ্যনেল ডেস্ক,১৭ মাৰ্চ : প্ৰধানমন্ত্ৰী নৰেন্দ্ৰ মোডীৰ বিৰুদ্ধে এক বিশেষাধিকাৰ প্ৰস্তাৱ উত্থাপন কৰে কংগ্ৰেছ সাংসদ কেচি বেণুগোপালে (Congress moved a privilege motion against PM)। কংগ্ৰেছ নেত্ৰী ছোনিয়া গান্ধী আৰু ৰাহুল গান্ধীৰ বিৰুদ্ধে কৰা অপমানজনক মন্তব্যৰ বাবে প্ৰধানমন্ত্ৰী নৰেন্দ্ৰ মোডীৰ বিৰুদ্ধে ৰাজ্যসভাত বিশেষাধিকাৰ প্ৰস্তাৱ উত্থাপন কৰে কংগ্ৰেছ সাংসদগৰাকীয়ে ।
নেতাগৰাকীয়ে ছোনিয়া গান্ধী আৰু ৰাহুল গান্ধীৰ বিৰুদ্ধে "অপমানজনক, বিদ্বেষপূৰ্ণ আৰু মানহানিকৰ মন্তব্য" কৰাৰ বাবে প্ৰধানমন্ত্ৰী মোডীৰ বিৰুদ্ধে বিশেষাধিকাৰ প্ৰস্তাৱ উত্থাপনৰ লগতে অভিযোগ কৰি কয় যে তেওঁলোকৰ গোপনীয়তা ভংগ কৰা আৰু আদালতৰ অৱমাননাৰ সমান এই অপৰাধ । ৰাজ্যসভাত প্ৰক্ৰিয়া আৰু পৰিচালনাৰ নিয়ম ১৮৮ ৰ অধীনত এই বিশেষাধিকাৰ প্ৰস্তাৱ বিচৰা হৈছে । কংগ্ৰেছ নেতাগৰাকীয়ে ৯ ফেব্ৰুৱাৰীৰ ৰাষ্ট্ৰপতিৰ ভাষণত ধন্যবাদ প্ৰস্তাৱৰ উত্তৰ দিয়াৰ সময়ত প্ৰধানমন্ত্ৰী মোডীৰ মন্তব্যৰ কথা উল্লেখ কৰে ।
ধন্যবাদ প্ৰস্তাৱ সন্দৰ্ভত হোৱা আলোচনাত প্ৰধানমন্ত্ৰী মোডীয়ে ৯ ফেব্ৰুৱাৰীত কৈছিল যে যদি নেহৰুজীৰ নাম তেওঁৰ দ্বাৰা বাদ দিয়া হয় তেন্তে তেওঁ ভুলটো সংশোধন কৰিব কিয়নো তেওঁ দেশৰ প্ৰথম প্ৰধানমন্ত্ৰী আছিল (PM Modi parliament speech)। কিন্তু, তেওঁৰ সন্দেহ হয় নেহৰুজীৰ গোত্ৰৰ যিকোনো লোকে নেহৰু উপাধি ব্যৱহাৰ কৰিবলৈ ভয় কৰে ।
ইয়াত কৈ লজ্জাজনক কি আছে বুলি প্ৰধানমন্ত্ৰীয়ে প্ৰশ্নও কৰিছিল ? যেতিয়া তেওঁৰ পৰিয়ালে এই বৃহৎ দায়িত্ব পালন কৰিব নোৱাৰে তেনেহ'লে চৰকাৰক কিয় প্ৰশ্ন কৰে বুলি প্ৰধানমন্ত্ৰীয়ে উল্লেখ কৰিছিল (PM Modi statement on Gandhi family)।
মোডীয়ে গান্ধী পৰিয়ালৰ সদস্যসকলক তেওঁলোকৰ নেহৰু উপাধি ব্যৱহাৰ কৰিবলৈ লাজ পাই বুলি সমালোচনা কৰিছিল । মোডীয়ে প্ৰাক্তন প্ৰধানমন্ত্ৰী জৱাহৰলাল নেহৰু আৰু ইন্দিৰা গান্ধীক অ-কংগ্ৰেছী দলৰ নেতৃত্বত ৰাজ্য চৰকাৰসমূহক উৎখাত কৰিবলৈ বাৰে বাৰে অনুচ্ছেদ ৩৫৬ ব্যৱহাৰ কৰাৰ বাবেও সমালোচনা কৰে ।
মোডীয়ে ফেডাৰেলিজমৰ বিষয়টোত কংগ্ৰেছক লক্ষ্য কৰি লৈছিল । নেহৰু আৰু গান্ধীৰ নেতৃত্বত কংগ্ৰেছ নেতৃত্বাধীন ব্যৱস্থাসমূহে আঞ্চলিক সংগঠনৰ নেতৃত্বত ৰাজ্য চৰকাৰসমূহক উৎখাত কৰিবলৈ কমেও ৯০ বাৰ সংবিধানৰ ৩৫৬ অনুচ্ছেদ ব্যৱহাৰ কৰাৰ অভিযোগ উত্থাপন কৰিছিল মোডীয়ে । মোডীয়ে লগতে অভিযোগ কৰিছিল যে ইন্দিৰা গান্ধীয়ে কেৱল ৰাজ্যসমূহৰ আঞ্চলিক দলসমূহৰ চৰকাৰসমূহক ৫০ বাৰকৈ উৎখাত কৰিবলৈ অনুচ্ছেদ ৩৫৬ ব্যৱহাৰ কৰিছিল ।
প্ৰধানমন্ত্ৰীয়ে লগতে কৈছিল যে প্ৰায় ৬০০ খন চৰকাৰী আঁচনি কেৱল গান্ধী-নেহৰু পৰিয়ালৰ নামত হে আছে । এই ভাষণটোক লৈ কংগ্ৰেছ নেতা বেণুগোপালে জাননীখনত লিখিছে যে প্ৰধানমন্ত্ৰীৰ মন্তব্যবোৰ কেৱল লাঞ্ছনাজনক নহয় । নেহৰু পৰিয়ালৰ সদস্যসকলৰ বাবে অপমানজনক আৰু মানহানিকৰ ।
তেওঁ লগতে কয় যে প্ৰধানমন্ত্ৰী মোডীয়ে ভালদৰে জানে যে কন্যাসকলে পিতৃৰ উপাধি গ্ৰহণ নকৰে । বেণুগোপালে অভিযোগ কৰিছে যে প্ৰধানমন্ত্ৰীৰ মন্তব্য অপমানজনক (KC Venugopal slams PM Modi)। যিয়ে তেওঁলোকৰ বিশেষাধিকাৰ উলংঘন কৰিছে আৰু আদালতকো অৱমাননা কৰিছে ।
লগতে পঢ়ক :Rahul Gandhi reacts over Adani issue : ৰাহুল গান্ধীৰ মতে আদানীৰ প্ৰসংগক লৈ এতিয়াও শংকিত চৰকাৰ
