বিশ্বকাপত ভাৰতৰ পৰাজয়ৰ দুখত যুৱকৰ আত্মহত্যাৰ চেষ্টা

ভাৰতীয় দলটো বিশ্বকাপৰ পৰা বাহিৰ হোৱাৰ দুখত এতিয়া দগ্ধ দেশৰ ক্ৰিকেট প্ৰেমীসকল ৷  আনকি এই দুখ-বেদনাই এনে পৰ্যায় পাইছে যে ওড়িশাৰ কালাহান্দিৰ এজন ক্ৰিকেট অনুৰাগীয়ে আত্মহত্যাৰো চেষ্টা চলালে ৷

স্পৰ্টছ ডেস্ক, 11 জুলাইঃ বুধবাৰে থান-বান হ'ল ভাৰতৰ বিশ্বকাপ জয়ৰ সপোন ৷ বিশ্বকাপৰ প্ৰথমখন ছেমিফাইনেলত নিউজিলেণ্ডৰ হাতত পৰাস্ত হোৱাৰ পাচত তৃতীয়বাৰৰ বাবে বিশ্ব চেম্পিয়ন হোৱাৰ সপোন ভাঙে বিৰাট বাহিনীৰ ৷ ভাৰতীয় দলটো বিশ্বকাপৰ পৰা বাহিৰ হোৱাৰ দুখত এতিয়া দগ্ধ দেশৰ ক্ৰিকেট প্ৰেমীসকল ৷ আনকি এই দুখ-বেদনাই এনে পৰ্যায় পাইছে যে ওড়িশাৰ কালাহান্দিৰ এজন ক্ৰিকেট অনুৰাগীয়ে আত্মহত্যাৰো চেষ্টা চলালে ৷

ভাৰত-নিউজিলেণ্ড মেচৰ ফলাফলৰ পাচতেই বিহ সেৱন কৰি আত্মহত্যাৰ চেষ্টা চলায় যুৱকজনে ৷ পিচত যুৱকজনক সংকটজনক অৱস্থাত ততাতৈয়াকৈ প্ৰেৰণ কৰা হয় চিকিৎসালয়লৈ ৷ যুৱকজন বৰ্তমান সংকটমুক্ত বুলি জানিব পৰা গৈছে ৷ বিৰাট কোহলিয়েও মেচৰ অন্তত অনুৰাগীসকলক ধৈৰ্য আৰু সংযম ৰাখিবলৈ অহ্বান জনাইছিল ৷ ভাৰতীয় দলটোৱে টুৰ্ণামেণ্টখনত সুন্দৰ প্ৰদৰ্শন কৰিবলৈ সক্ষম হৈছিল ৷ কিন্তু 18 ৰানত পৰাজয়বৰণ কৰি বিশ্বকাপৰ পৰা বাহিৰ হৈছিল ভাৰতীয় দলটো ৷