অতি শীঘ্ৰে কৃষিমন্ত্ৰী টোমৰে প্ৰতিবাদী কৃষকক লগ কৰাৰ সম্ভাৱনা আছেঃঅমিত শ্বাহ

নতুন কৃষি আইন বাতিলৰ দাবীৰে ৰাষ্ট্ৰৰ ৰাজধানীৰ সীমাত অৱস্থান কৰি প্ৰতিবাদত বহা কৃষকসকলক কেন্দ্ৰীয় কৃষিমন্ত্ৰী নৰেন্দ্ৰ সিঙ টোমৰে লগ কৰাৰ সম্ভাৱনা ৷ দেওবাৰে কেন্দ্ৰীয় গৃহমন্ত্ৰী অমিত শ্বাহে এই কথা সদৰী কৰে ৷ শ্বাহে কয় যে কেন্দ্ৰীয় কৃষি মন্ত্ৰী গৰাকীয়ে দুই এদিনৰ ভিতৰতে প্ৰতিবাদী কৃষক সংগঠনসমূহক লগ কৰাৰ সম্ভাৱনা আছে ৷

নেচনেল ডেস্ক,21 ডিচেম্বৰ: কেন্দ্ৰীয় চৰকাৰক তিনি নতুন কৃষি আইন বাতিলৰ দাবীৰে দিল্লীৰ সীমাত অৱস্থান কৰি কৃষকে চলাই যোৱা বিদ্ৰোহ অব্যাহত আছে ৷ কৃষকৰ এই বিদ্ৰোহে ইতিমধ্যে 25 দিন পাৰ কৰিছে কিন্তু এতিয়াও কৃষক আৰু চৰকাৰ এক পাৰস্পৰিক বুজাপৰাৰ মাধ্যমেৰে কোনো পূৰ্ণ সিদ্ধান্তত উপনীত হ'ব পৰা নাই ৷

কৃষক আৰু কেন্দ্ৰীয় চৰকাৰৰ মাজৰ এই অচলাৱস্থা অব্যাহত থকাৰ মাজতে কেন্দ্ৰীয় গৃহমন্ত্ৰী অমিত শ্বাহে প্ৰতিবাদী কৃষক সকলক কেন্দ্ৰীয় কৃষি মন্ত্ৰী নৰেন্দ্ৰ সিঙ টোমৰে লগ কৰাৰ সম্ভাৱনাৰ বিষয়ে সদৰী কৰে ৷ দেওবাৰে এই কথা সদৰী কৰি শ্বাহে কয় যে দুই এদিনৰ ভিতৰতে প্ৰতিবাদী কৃষক সংগঠন সমূহক টোমৰে লগ কৰাৰ সম্ভাৱনা আছে ৷

লগতে পঢ়ক:আন্দোলনৰ পৰা উভতি আহি বিহপান কৰি আত্মহত্যা কৃষকৰ

উল্লেখ্য যে চৰকাৰ তথা প্ৰতিবাদী কৃষক সংগঠন সমূহৰ মাজত ইতিমধ্যে কেইবালানি আলোচনা অনুষ্ঠিত হৈছে যদিও কোনো এটা আলোচনাই সফল হোৱা নাই ৷ শ্বাহে কয় যে,"মই সঠিক সময়ৰ বিষয়ে ক'ব নোৱাৰিম কিন্তু কৃষকৰ দাবী সমূহৰ বিষয়ে আলোচনা কৰাৰ উদ্দেশ্যে দুই এদিনৰ ভিতৰতে টোমৰে কৃষকৰ প্ৰতিনিধি সকলক লগ কৰিব ৷"

নৰেন্দ্ৰ মোডী নেতৃত্বাধীন চৰকাৰে বলৱৎ কৰা তিনি নতুন কৃষি আইন বাতিলৰ দাবীৰে এতিয়াও হাজাৰৰো অধিক কৃষকে দিল্লী সীমাত অৱস্থান কৰি প্ৰতিবাদ অব্যাহত ৰাখিছে ৷

লগতে পঢ়ক:ভূমি বিবাদ নিষ্পত্তিৰ বাবে যোগী চৰকাৰে আনিছে "বিৰাচট "যোজনা