নিউজ ডেস্ক, 1 মাৰ্চ: ধৰ্ষণৰ অভিযোগত দোষী সাব্যস্ত কেৰালাৰ ছায়ৰ’ মালাৱাৰ গীৰ্জাৰ পুৰোহিত ৰবিন ভডক্কুমচেৰী ৷ ইয়াৰ লগে-লগে সকলো ধৰণৰ কৰ্তব্যৰ পৰা অব্যাহতি দিয়ে পুৰোহিতগৰাকীক ৷ শিশু নিৰ্যাতনৰ ক্ষেত্ৰত সকলো বিশপকে শূণ্য সহনশীলতা নীতিৰ কথা স্পষ্ট কৰি দিছিল প’প ফ্ৰান্সিচে ৷
এই শূণ্য সহনশীলতা নীতিৰ অধীনতে শিশুক শাৰিৰীক নিৰ্যাতন চলোৱা কেৰালাৰ ছায়ৰ’ মালাৱাৰ গীৰ্জাৰ পুৰোহিত ৰবিন ভডক্কুমচেৰীক বহিষ্কাৰ কৰা হয় ৷ ধৰ্ষণৰ দোষী সাব্যস্ত হোৱাৰ পাচতেই ছায়ৰ’ মালাৱাৰ গীৰ্জা কৰ্তপক্ষই এই সিদ্ধান্ত গ্ৰহণ কৰে ৷ বৰ্তমান এগৰাকী 16 বছৰীয়া যুৱতীক ধৰ্ষণ কৰি গৰ্ভৱতী কৰাৰ দোষত দোষী সাব্যস্ত হৈ কাৰাবন্দী হৈ আছে পুৰোহিতগৰাকী ৷
2017 চনতে এই অপৰাধৰ কথা পোহৰলৈ অহাৰ পাচতেই নিলম্বিত কৰা হৈছিল পুৰোহিতজনক ৷ বিগত বৰ্ষত POCSO আদালতে পুৰোহিতগৰাকীক 20 বছৰৰ কাৰাদণ্ডৰ লগতে 3 লাখ টকাৰ জৰিমনা বিহিছিল ৷
