নিউজ ডেক্স , 17 ডিচেম্বৰ : জামিয়া মিলিয়া ইছলামিয়া বিশ্ববিদ্যালয়ৰ শিক্ষাৰ্থীয়ে নাগৰিকত্ব সংশোধনী আইনৰ তীব্ৰ বিৰোধিতাৰে প্ৰতিবাদ কৰি সোমবাৰে কয় যে, যেতিয়ালৈকে কেন্দ্ৰীয় চৰকাৰে এই 'দমনকাৰী আইন' উঠাই নলয় তেতিয়ালৈকে চলিব এই আন্দোলন ৷ বিশ্ববিদ্যালয়ৰ চৌহদৰ ভিতৰত ইটিভি ভাৰতৰ আগত শিক্ষাৰ্থীয়ে কয় যে, দিল্লীৰ আৰক্ষীয়ে শিক্ষাৰ্থীৰ ওপৰত অতিৰিক্ত শক্তি ব্যৱহাৰ কৰি শান্তিপূৰ্ণ প্ৰতিবাদ বিৰোধ কৰিছে ৷ এজন শিক্ষাৰ্থীৰ মন্তব্য " আমাক এনেদৰে আঘাত কৰিছে যেন আমি দেশদ্ৰোহী ৷ অন্য এজন শিক্ষাৰ্থীৰ মন্তব্য "যি কেইজনে হাত আৰু মূৰত আঘাত পাইছিল, তেওঁলোকক নিৰ্মমভাৱে অত্যাচাৰ কৰা হৈছিল আৰু আৰক্ষীয়ে তেওঁলোকক সন্ত্ৰাসবাদী বুলি অভিহিত কৰিছিল ৷"
"আমি দেশবিৰোধী নহয় ৷ আমি শান্তিপূৰ্ণভাৱে প্ৰতিবাদ কৰিছোঁ ৷ জনসাধাৰণৰ সম্পত্তি নষ্ট কৰাৰ কোনো ধৰণৰ কামতে আমি জড়িত নাই ৷ দেশৰ সংবিধান ৰক্ষা কৰাৰ উদ্দেশ্য লৈ প্ৰতিবাদ কৰিছিলো '' জামিয়াৰ শিক্ষাৰ্থীৰ মন্তব্য ৷ "আমাৰ মা-দেউতা কেতিয়াও এই আন্দোলনৰ অংশ হোৱা নাই , তেওঁলোকে নাজানে যে মই ইয়াত আছোঁ, কিন্ত মই প্ৰতিবাদকাৰী সকলক এইতো কৈ বিশ্বাস দিব বিছাৰো যে, সমান বিচাৰধাৰা কৰা লোকসকল নিজৰ ঘৰৰ পৰা বাহিৰ ওলায় আহি এই প্ৰতিবাদক সমৰ্থন কৰিব লাগে, অনথ্যা এইটো দিন বেছি দূৰ নহয় যে, তেওঁলোকে আমাৰ ঘৰত সোমাই আক্ৰমণ কৰিব ৷'' জামিয়া মিলিয়া ইছামিয়া বিশ্ববিদ্যালয়ৰ এগৰাকী ছাত্ৰীৰ মন্তব্য এইয়া ৷ ছাত্ৰ-ছাত্ৰীৰ প্ৰশ্ন, "বিনা অনুমতিত আৰক্ষী কেনেকৈ বিশ্ববিদ্যালয়ৰ চৌহদত প্ৰৱেশ কৰিলে ?"
আৰু পঢ়ক : কেবক লৈ আইনী যুঁজ দিবলৈ বৰঙণি সংগ্ৰহৰ আহ্বান জে আই কাথাৰৰ
