নিউজ ডেস্ক, 28 মাৰ্চঃ লোকসভা নিৰ্বাচনৰ পূৰ্বে দেশৰ 29 খন ৰাজ্যৰ লগতে 7 খন কেন্দ্ৰীয় শাসিত অঞ্চলৰ পৰা নিৰ্বাচনআয়োগে জব্দ কৰে মুঠ 613.176 কোটি টকা নগদ ধনৰ লগতে বহু সামগ্ৰী ৷সমাগত লোকসভা নিৰ্বাচনৰ পূৰ্বে নিৰ্বাচনী আচৰণবিধি বলবৎ হৈ থকাৰ সময়তে এই বৃহৎ পৰিমাণৰ নগদ ধনসহ সামগ্ৰীখিনি জব্দ কৰে আয়োগে ৷27 মাৰ্চত নিৰ্বাচনআয়োগে প্ৰকাশ কৰা তথ্যঅনুসৰি, নিৰ্বাচনৰ পূৰ্বে সমগ্ৰ দেশৰ পৰা 104.49 কোটি টকাৰ সুৰা ,145.384 কোটি টকাৰ ড্ৰাগছ আৰু বিভিন্ন নিচাযুক্ত সামগ্ৰীৰলগতে 170.704 কোটি টকাৰ মূল্যৱান সামগ্ৰীসহ 11.67 কোটি টকাৰ অন্যান্য সামগ্ৰী জব্দ কৰিবলৈ সক্ষম হয় আয়োগ ৷
উল্লেখ্য যে, এই জব্দকৃত সামগ্ৰীৰ ভিতৰত আয়োগে অন্ধ্ৰপ্ৰদেশৰ পৰা সবাটোকৈ অধিক নগদ ধন, উত্তৰ প্ৰদেশৰ পৰা সবাটোকৈ অধিক অৰ্থাৎ 24.50 কোটি টকৈ মূল্যৰ সুৰা আৰু পঞ্জাৱৰ পৰা সবাটোকৈ অধিক 92.45 কোটি টকা মূল্যৰ ড্ৰাগছ আৰু বিভিন্ন নিচাযুক্ত সামগ্ৰী জব্দ কৰে আয়োগে ৷
