নিউজ ডেস্ক, ২১ জুনঃ সমগ্ৰ দেশতে মহামাৰীৰ ৰূপ ধাৰণ কৰা কোভিড-১৯ত আক্ৰান্ত লোকৰ সংখ্য়া দৈনিক বৃদ্ধি পাই আছে যদিও বিগত ২৪ ঘণ্টাত দেশজুৰি ১৫,৪১৩ গৰাকী লোকে কোভিড-১৯ৰ পৰা আৰোগ্য লাভ কৰিছে । কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে প্ৰকাশ কৰা তথ্য অনুসৰি দেওবাৰে বিয়লি ৪ বজালৈ ৪,১০,৪৬১ গৰাকী লোকৰ দেহত পোৱা গৈছে কোভিড-১৯ৰ উপস্থিতি। ইয়াৰে মুঠ ২,২৭,৭৫৫ গৰাকী লোকে এই মহামাৰীৰ পৰা উপশম লাভ কৰিছে। সম্প্ৰতি দেশত কোভিড ১৯ৰ পৰা আৰোগ্য লাভ কৰা লোকৰ হাৰ ৫৫.৪৯ শতাংশ।
স্বাস্থ্য বিভাগে প্ৰকাশ কৰা তথ্য অনুসৰি, বৰ্তমান ভাৰতত এই ভাইৰাছত আক্ৰান্ত হৈ মুঠ ১,৬৯,৪৫১ গৰাকী ৰোগী চিকিত্সাধীন অৱস্থাত আছে। আনহাতে, কৰ'ণা মহামাৰীৰ ফলত দেশজুৰি মৃত্যু হৈছে ১৩,২৫৪ গৰাকী লোকৰ ।
