নিউজ ডেস্ক, 24 মাৰ্চ : কৰ'ণা ভাইৰাছৰ আতংকৰ বাবেই নিৰ্বাচন আয়োগে 26 মাৰ্চত অনুষ্ঠিত হ'বলগীয়া ৰাজ্যসভা নিৰ্বাচনৰ ভোট গ্ৰহণ স্থগিত ৰাখিছে ৷ উচ্চ সদনৰ 55 খন আসনৰ বাবে এই নিৰ্বাচন অনুষ্ঠিত হোৱাৰ কথা আছিল ৷ অৱশ্যে 37 গৰাকী প্ৰাৰ্থীয়ে ইতিমধ্যেই বিনাপ্ৰতিদ্বন্দিতাৰে জয় লাভ কৰিছে যদিও বাকী 18 খন আসনৰ নিৰ্বাচন অনুষ্ঠিত কৰাৰ কথা আছিল ৷ কিন্তু বৰ্তমান পৰিস্থিতিৰ বাবে এই নিৰ্বাচন স্থগিত ৰখা হৈছে ৷
ভাৰতৰ স্বাস্থ্য মন্ত্ৰণালয়ৰ তথ্য অনুসৰি শেহতীয়াকৈ দেশৰ প্ৰায় 5 শতাধিক লোক এই ভাইৰাছৰ দ্বাৰা আক্ৰান্ত হৈছে ৷ এই সংক্ৰমণ ৰোধৰ বাবে প্ৰায় সমগ্ৰ দেশতে তলা বন্ধ ঘোষণা কৰা হৈছে ৷ 31 মাৰ্চ পৰ্যন্ত ৰে'ল, বিমান, যান-বাহন আদিৰ চলাচল নিষেধ কৰা হৈছে ৷
লগতে পঢ়ক : লক্ডাউন : কৰ'ণাৰ ভয়াৱহতাৰ বাবে ৰাজ্যত অচলাৱস্থা !
