নিউজ ডেস্ক, ১৯ এপ্ৰিলঃ সমগ্ৰ দেশজুৰি চলা লক ডাউনৰ বাবেই বন্ধ হৈ আছে এয়াৰ ইণ্ডিয়াৰ বুকিং । কেন্দ্ৰীয় বিমান পৰিবহণ মন্ত্ৰী হৰদ্ধীপ সিং পুৰীৰ পৰামৰ্শ তথা কেন্দ্ৰীয় চৰকাৰৰ আদেশ অনুযায়ীহে বিমান সেৱা প্ৰতিষ্ঠানটোৱে পুনৰ সেৱা আগবঢ়াব বুলি দেওবাৰে জানিবলৈ দিয়ে বিমান সেৱা প্ৰতিষ্ঠানটোৰ এগৰাকী বিষয়ববীয়াই ।
দেওবাৰে এয়াৰ ইণ্ডিয়াৰ বিষয়ববীয়াই কয় যে,"আমি এতিয়া সকলো ধৰণৰ বিমান সেৱাৰ বুকিং বন্ধ কৰিছো । আৰু যি সকলে ইতিমধ্যে টিকট বুকিং কৰিছিল তেনে যাত্ৰীসকলৰ টিকটৰ টকা ক্ৰেডিট ভাউচাৰৰ জৰিয়তে ভৱিষ্যতে কৰা যাত্ৰাত টকা লাভ কৰিব বুলি সদৰী কৰে কৰে বিমান প্ৰতিষ্ঠানটোৱে ।
উল্লেখ্য যে,এয়াৰ ইণ্ডিয়াই ৩ এপ্ৰিল তথা লক ডাউন চলি থকা সময়তে ঘোষণা কৰিছিল যে,বিমান সেৱা প্ৰতিষ্ঠানটোৱে ৩০ এপ্ৰিল পৰ্যন্ত সকলো ধৰণৰ তথা আভ্যন্তৰীণ আৰু আন্তঃৰাষ্ট্ৰীয় বিমান সেৱাৰ টিকট বুকিং বন্ধ কৰিছে ।
আনহাতে, ১৮ এপ্ৰিল শনিবাৰে এয়াৰ ইণ্ডিয়াৰ ৱেবছাইটত এটি বিজ্ঞপ্তি প্ৰকাশ কৰে যে,এয়াৰ ইণ্ডিয়াই ৪ মে', ২০২০ৰ পৰা আভ্যন্তৰীণ আৰু ১ জুন ২০২০ৰ পৰা আন্তঃৰাষ্ট্ৰীয় বিমান সেৱাৰ টিকট বুকিং আৰম্ভ কৰিব ।
