নিউজ ডেস্ক, ৮ নৱেম্বৰ : কেন্দ্ৰীয় মন্ত্ৰী কিৰেণ ৰিজিজুৱে (Union minister Kiren Rijiju) মঙলবাৰে কয় যে উত্তৰ-পূৰ্বাঞ্চল আৰু সীমান্ত অঞ্চলৰ সকলো বসতিপূৰ্ণ গাঁও ২০২৩ চনৰ ডিচেম্বৰৰ ভিতৰত নিশ্চিতভাৱে ৪জি নেটৱৰ্কৰ সৈতে সংযুক্ত হ'ব লাগিব (4G network to all villages of northeast) । উত্তৰ-পূবৰ সকলো বসতিপূৰ্ণ গাঁৱক ৪জি মোবাইল সেৱা প্ৰদানৰ বাবে ৪জি সংপৃক্ততা প্ৰকল্পৰ (4G saturation project) পৰ্যালোচনা কৰাৰ পিছত ৰিজিজুৱে কয় যে যিহেতু টেলিকম বিপ্লৱ ঘটি আছে, কোনো দূৰৱৰ্তী এলেকা সংযোগহীন হৈ থাকিব নালাগে আৰু এয়া হৈছে প্ৰধানমন্ত্ৰী নৰেন্দ্ৰ মোদীৰ মূলমন্ত্ৰ (Prime Minister Narendra Modi) ।
২০২৩ চনৰ ডিচেম্বৰৰ ভিতৰত উত্তৰ-পূব আৰু সীমান্ত অঞ্চলৰ সকলো বসতিপূৰ্ণ গাঁও ৪জি নেটৱৰ্কৰ দ্বাৰা সংযোগ কৰিব লাগিব বুলি তেওঁ পিটিআইৰ আগত জনায় । কেন্দ্ৰীয় আইন আৰু ন্যায় মন্ত্ৰীগৰাকীয়ে কয় যে বৈঠকৰ উদ্দেশ্য হৈছে বিভিন্ন অংশীদাৰসকলৰ মাজত সমন্বয় নিশ্চিত কৰা যাতে তেওঁলোক সকলোকে একেটা মুঠিলৈ আনিব পৰা যায় আৰু খালী ঠাই পূৰণ কৰা (Union Minister of Law and Justice) ।
উত্তৰ-পূৰ্বাঞ্চলৰ সকলো বসতিপূৰ্ণ গাঁৱক 4জি মোবাইল সেৱা প্ৰদানৰ বাবে 4জি চেচুৰেচন প্ৰকল্পৰ পৰ্যালোচনা কৰা হয় । সশস্ত্ৰ বাহিনীকে ধৰি টেলিকম আৰু বিষয়াসকলৰ সচিবসকল তাত উপস্থিত থাকে । প্ৰধানমন্ত্ৰীয়ে বিচৰা অনুসৰি প্ৰকল্পটো সময়মতে সম্পূৰ্ণ কৰাৰ বাবে সঠিক সমন্বয় ৰখা হৈছে বুলি তেওঁ টুইট কৰে । ৰিজিজুৱে তেওঁৰ গৃহ ৰাজ্য অৰুণাচল প্ৰদেশৰ সৈতে সম্পৰ্কিত বিষয়বোৰ বিশেষভাৱে আলোচনা কৰে ।
উল্লেখ্য, ২০২২ চনৰ ফেব্ৰুৱাৰী মাহত চৰকাৰে সংসদক জনাইছিল যে দেশৰ ৫,৯৭,৬১৮ খন বসতিপূৰ্ণ গাঁৱৰ ভিতৰত ২৫,০৬৭ খন গাঁৱত মোবাইল সংযোগ আৰু ইণ্টাৰনেটৰ অভাৱ আছে । 25,067 খন অনা-সংযুক্ত গাঁৱৰ ভিতৰত প্ৰায় 11,000 খন গাঁৱক ইউনিভাৰ্চেল ছাৰ্ভিচ অব্লিগেচন ফাণ্ড (Universal Service Obligation Fund) আঁচনিত অন্তৰ্ভুক্ত কৰা হৈছে ।
লগতে কয়, দেশৰ বাকী গাঁওবোৰ চৰকাৰ আৰু টেলিকম সেৱা প্ৰদানকাৰীসকলে পৰ্যায়ক্ৰমে সামৰি লৈছে । অনা-সংযোজিত গাঁওবোৰত মোবাইল সংযোগ প্ৰদান কৰিবলৈ আৰু দূৰৱৰ্তী অঞ্চলৰ লোকসকলৰ বাবে আইচিটি সেৱাসমূহত (ICT services) বৈষম্যহীন প্ৰৱেশাধিকাৰ সুলভ কৰাৰ বাবে 2002 চনত ইউএছঅ'এফ (USOF) আঁচনি আৰম্ভ কৰা হৈছিল ।
ইউএছঅ'এফত অন্তৰ্ভুক্ত প্ৰায় 43 শতাংশ বা 11,000 গাঁও ইণ্টাৰনেট সংযোগবিহীন হৈ আছে । লগতে দেশত স্থাপন কৰা সকলো চৰকাৰী ৱাইফাই হটস্পটৰ ভিতৰত চৰকাৰী তথ্য অনুসৰি ইয়াৰ মাত্ৰ 51 শতাংশই সেৱা প্ৰদান কৰে ।
লগতে পঢ়ক :6 years of Demonetisation : ২০১৬ চনৰ বিমুদ্রাকৰণৰ ৬ বছৰ সম্পূৰ্ণ
