আলহী খাবলৈ অহাই কাল হ'ল বিনীতা কেৰ্কেটাৰ

সৰুপথাৰ, ২৪ আগষ্ট : আলহী খাবলৈ অহাই কাল হ'ল বিনীতা কেৰ্কেটাৰ । সৰুপথাৰত সংঘটিত এক শোকাৱহ দুৰ্ঘটনাত প্ৰাণ হেৰুৱালে গোলাঘাটৰ পৰা সৰুপথাৰলৈ আলহী খাবলৈ অহা বিনীতাই ।

সৰুপথাৰৰ পদুমণিৰ এটা গীৰ্জা ঘৰত বিনীতাৰ সম্বন্ধীয়সহ ৰাইজে ঝুমুৰ শিকি আছিল । বিনীতাই সেই ঝুমুৰস্থলীলৈ খোজকাঢ়ি আহি থকা অৱস্থাতে নম্বৰ প্লেটবিহীন এখন বগা ৰঙৰ টাটা পান্স বাহনে খুন্দিয়ায় ৷ তাৰ পাচতে ততাতৈয়াকৈ আহত বিনীতাক সৰুপথাৰ সমূহীয়া স্বাস্থ্য কেন্দ্ৰত ভৰ্তি কৰোৱা হয় যদিও চিকিৎসকে মৃত ঘোষণা কৰে ৷