লখিমপুৰ, ৫ আগষ্ট : ক্ৰমাৎ অপৰাধৰ ৰম্যভূমিলৈ পৰিণত হৈছে লখিমপুৰ জিলা ৷ এইবাৰ লখিমপুৰত ওলাইছে নকল সোণৰ বিস্কুট । নকল সোণৰ বিস্কুটৰ লগতে বঙালমৰা আৰক্ষীয়ে জব্দ কৰিছে ১ লাখ ৮৫ হাজাৰ টকাৰ নকল ৫০০ টকীয়া নোটৰ বান্দোল ৷
লগতে আৰক্ষীয়ে ঘটনা সংক্ৰান্তত আটক কৰিছে ফতেহপুৰৰ ব্যৱসায়ী নেকিব উদ্দিন ৷ সম্প্ৰতি আৰক্ষীৰ জিম্মাত আছে নেকিব ৷ অধিক তথ্যৰ বাবে বঙালমৰা আৰক্ষীয়ে ধৃত নেকিব উদ্দিনক জেৰা চলাই আছে বুলি জানিব পৰা গৈছে ৷
উল্লেখ্য যে, জিলাখনত আৰক্ষী যিমানেই কঠোৰ হৈছে, সিমানেই ইয়াত বৃদ্ধিহে হৈছে অপৰাধ ৷ যাক লৈ চিন্তিত হৈ পৰিছে লখিমপুৰৰ সচেতন সমাজ ৷
