গুৱাহাটী, ২৫ জুলাই : মহানগৰীৰ হাতীগাঁৱৰ সিজুবাৰী মাঝাৰৰ সমীপত নটবমাত STFৰ ড্ৰাগছ বিৰোধী অভিযান । অভিযানত জব্দ ১৩ পেকেট হেৰ'ইন । এক গোপন সূত্ৰৰ খবৰৰ ভিত্তিত STF এ এই অভিযান চলাই হাতে-লোটে আটক কৰে অলী দেৱী নামৰ ড্ৰাগছ ব্যৱসায়ৰ লগত জড়িত মহিলাক । প্ৰায় ১৫০ গ্ৰাম ওজনৰ জব্দকৃত হেৰ'ইনখিনিৰ মূল্য ১ কোটি ২০ লাখ । ড্ৰাগছৰ লগতে অভিযানকাৰী দলটোৱে জব্দ কৰে নগদ ১৩০০ টকা আৰু ১ টা ম’বাইল ফোন ।
উল্লেখ্য যে, দীৰ্ঘদিন ধৰি ধৃত অলী দেৱীয়ে হাতীগাঁও, বশিষ্ঠ অঞ্চলত চলাই আহিছিল ড্ৰাগছৰ ৰমৰমীয়া বেহা । সম্প্ৰতি হাতীগাঁও থানাত ঘটনা সন্দৰ্ভত এক গোচৰ ৰুজু কৰি অধিক তদন্ত অব্যাহত ৰাখিছে ।
