লখিমপুৰ, 19 জুন : সুনীল গগৈৰ মাতৃ, পত্নী, পুত্ৰ আৰু ভতিজাকক জেৰা ৷ ঢকুৱাখনা সাপতীয়া চেতিয়া গাঁৱত 1 জুনত সংঘটিত লোমহর্ষক হত্যাকাণ্ডই মঙলবাৰে ডি এন এ পৰীক্ষাৰ ফলাফলৰ পাচতে নতুন মোৰ লয় ৷ মঙলবাৰে ডি এন এ পৰীক্ষাৰ ফলাফল প্ৰকাশৰ পাচতে সংবাদমেল যোগে লখিমপুৰ জিলা আৰক্ষী অধীক্ষক অৰ্পণা নটৰাজনে এই ঘটনাত জাহাংগীৰ হুছেইনক হত্যা কৰা বুলি স্পষ্ট কৰি দিয়ে ৷
জাহাংগীৰক সুনীল গগৈয়ে হত্যা কৰা বুলি অভিযুক্ত কৰি তেওঁৰ বিৰুদ্ধে গোচৰ ৰুজু কৰি তদন্ত আৰম্ভ কৰা হ’ব বুলি জানিবলৈ দিছিল আৰক্ষী অধীক্ষকে ৷ ইয়াৰ পাচতে অভিযুক্ত সুনীল গগৈৰ ঘৰত আৰক্ষীৰ দল উপস্থিত হৈ তেওঁৰ মাতৃ, পত্নী, পুত্ৰ আৰু ভতিজাকক বুধবাৰে থানাত হাজিৰ হ’বলৈ নিৰ্দেশ দিয়ে ৷ ঘটনা সন্দৰ্ভত ঢকুৱাখনা থানাত 48/24 নম্বৰৰ আৰু 120বি/302/201/34 ধাৰাত এটা গোচৰ ৰুজু কৰা হয় ৷
লগতে পঢ়ক : ঢকুৱাখনাৰ হত্যাকাণ্ড : মাৰাথন জেৰা অভিযুক্তৰ পৰিয়ালৰ সদস্যক - Dhakuakhana murder case
ইফালে আৰক্ষীৰ নিৰ্দেশত বুধবাৰে পুৱা সুনীল গগৈৰ মাতৃৰ লগতে পত্নী পুস্পা গগৈ, পুত্ৰ সৌৰভ গগৈ আৰু ভতিজাক জয়ন্ত গগৈ ঢকুৱাখনা থানাত হাজিৰ হয় ৷ তেওঁলোকক আৰক্ষীয়ে জেৰা কৰাৰ মাজতে সুনীল গগৈৰ পুত্ৰক লগত লৈ আৰক্ষীয়ে বাসগৃহত অভিযান চলায় ৷ সুনীল গগৈৰ বাসগৃহত অভিযান চলাই আৰক্ষীয়ে বেংক পাচবুক, পেন ড্ৰাইভকে ধৰি কেতবোৰ নথি-পত্ৰ জব্দ কৰে ৷ বিয়লি আৰক্ষীয়ে সুনীল গগৈৰ মাতৃক যাবলৈ দিয়ে যদিও বাকী কেইজনক এৰি দিয়া নাই বুলি জানিব পৰা গৈছে ৷ সন্ধিয়াৰ আগলৈকে তেওঁলোকক আৰক্ষীয়ে থানাত জেৰা কৰি আছে ৷ জেৰাৰ অন্তত তেওঁলোকৰ বিৰুদ্ধে আৰক্ষীয়ে কেনে ব্যবস্থা গ্ৰহণ কৰে সেয়া জানিবলৈ সকলোৱে কৌতুহলেৰে অপেক্ষা কৰিছে ৷
লগতে পঢ়ক : সুনীল গগৈ নে জাহাংগীৰ হুছেইন- অৰ্ধদগ্ধ মৃতদেহটো কাৰ আছিল ? - SUNIL GOGOI MURDER CASE
