স্প’ৰ্টছ ডেস্ক, 2 ছেপ্টেম্বৰ: পেৰিছ পেৰালিম্পিক 2024 ত ভাৰতৰ তাৰকা ডিচকাচ থ্ৰ'য়াৰ যোগেশ কাথুনিয়াই উন্নত প্ৰদৰ্শন দাঙি ধৰিছে ৷ যোগেশে পুৰুষৰ ডিচকাছ থ্ৰ’ ৰ এফ 56 ইভেণ্টত অৰ্জন কৰিছে ৰূপৰ পদক ৷ পেৰালিম্পিকত এয়া দেশৰ অষ্টমটো পদক ৷ ভাৰতে এতিয়ালৈকে পেৰালিম্পিকত এটা স্বৰ্ণ, 3 টা ৰূপ আৰু 4 টা ব্ৰঞ্জৰ পদক জয় কৰিছে ।
যোগেশ কাথুনিয়াৰ ৰূপৰ পদক অৰ্জন
পেৰিছ পেৰালিম্পিক 2024 ত হাৰিয়ানাৰ ঝাজ্জৰ জিলাৰ বাসিন্দা 27 বছৰীয়া যোগেশ কাথুনিয়াই পুৰুষৰ ডিচকাছ থ্ৰ’ ৰ এফ 56 ইভেণ্টত 42.22 মিটাৰ প্ৰথম থ্ৰ’ কৰে ৷ খেলুৱৈগৰাকীয়ে তেওঁৰ দ্বিতীয়, তৃতীয়, চতুৰ্থ আৰু পঞ্চম প্ৰচেষ্টাত ক্ৰমান্বয়ে 41.50 মিটাৰ, 41.55 মিটাৰ, 40.33 মিটাৰ আৰু 40.89 মিটাৰ থ্ৰ’ কৰে ৷ যোগেশে অন্তিম তথা ষষ্ঠ থ্ৰ’ ত স্পৰ্শ কৰে 39.68 মিটাৰ ৷ খেলুৱৈগৰাকীয়ে 42.22 মিটাৰৰ প্ৰথম থ্ৰ’ৰ বাবে ৰূপৰ পদক জয় কৰিবলৈ সক্ষম হৈছিল ।
𝐌𝐄𝐃𝐀𝐋 𝐀𝐥𝐞𝐫𝐭: 𝐘𝐨𝐠𝐞𝐬𝐡 𝐊𝐚𝐭𝐡𝐮𝐧𝐢𝐲𝐚 𝐰𝐢𝐧𝐬 𝐒𝐢𝐥𝐯𝐞𝐫 𝐦𝐞𝐝𝐚𝐥 𝐢𝐧 𝐌𝐞𝐧'𝐬 𝐃𝐢𝐬𝐜𝐮𝐬 𝐓𝐡𝐫𝐨𝐰 𝐅𝟓𝟔 𝐚𝐭 𝐏𝐚𝐫𝐢𝐬 𝐏𝐚𝐫𝐚𝐥𝐲𝐦𝐩𝐢𝐜𝐬 🔥
— India_AllSports (@India_AllSports) September 2, 2024
Its 2nd consecutive Paralympics Silver medal for Yogesh.
Its 8th medal for India #Paralympics2024 pic.twitter.com/JD3b0QRoCE
ব্ৰাজিলৰ দখলত স্বৰ্ণ আৰু গ্ৰীচৰ দখলত ব্ৰঞ্জ
ব্ৰাজিলৰ বাটিষ্টা ডছ চেণ্টোচ ক্লাউডনিয়ে এই প্ৰতিযোগিতাত জয় কৰে স্বৰ্ণ পদক ৷ ব্ৰাজিলৰ খেলুৱৈগৰাকীয়ে 46.83 ৰ থ্ৰ’ৰে জয় কৰে সোণৰ পদক ৷ এয়া তেওঁৰ পেৰালিম্পিকৰ সৰ্বশ্ৰেষ্ঠ থ্ৰ’ আছিল । পূৰ্বে খেলুৱৈগৰাকীয়ে টকিঅ’ত 45.59 মিটাৰ থ্ৰ’ কৰিছিল ৷ গ্ৰীচৰ টজুনিছ কনষ্টাণ্টিনোছে 41.32 মিটাৰ থ্ৰ’ৰে জয় কৰে ব্ৰঞ্জৰ পদক ৷ ভাৰতে এই অষ্টম পদকৰ সৈতে পদক তালিকাৰ 30 তম স্থানত উপনীত হৈছে ।
পেৰিছত ভাৰতৰ পদক বিজয়ীৰ তালিকা
- অৱনী লেখাৰা - সোণ
- মোনা আগৰৱালা - ব্ৰঞ্জ
- প্ৰীতি পাল - ব্ৰঞ্জ
- মনীষ নাৰৱাল - ৰূপ
- ৰুবানি ফ্ৰান্সিছ - ব্ৰঞ্জ
- নিশাদ কুমাৰ - ৰূপ
- প্ৰীতি পাল - ব্ৰঞ্জ
- যোগেশ কাথুনিয়া - ৰূপ
লগতে পঢ়ক: আশাই নাছিল জীয়াই থকাৰ: পিছে পেৰালিম্পিকত দুবাৰকৈ ব্ৰঞ্জ জিকি ৰচিলে ইতিহাস - PARIS PARALYMPICS 2024
