স্প’ৰ্টছ ডেস্ক, 21 ছেপ্টেম্বৰ: পাকিস্তানৰ বলাৰ ফাহিম আশ্ৰফে দেশখনৰ ঘৰুৱা ক্ৰিকেটত আম্পায়াৰিঙৰ মানদণ্ডৰ ওপৰত উত্থাপন কৰিছে প্ৰশ্ন । আজিকালি আম্পায়াৰৰ প্ৰদৰ্শন নিৰন্তৰ নিৰীক্ষণ কৰাৰ লগতে খেলপথাৰত হোৱা সকলোবোৰ মেচ কেমেৰাৰ নিৰীক্ষণত থাকে বুলি আশ্ৰফে সদৰী কৰে ৷
ইতিমধ্যে পাকিস্তান ক্ৰিকেট ব'ৰ্ডে (পি চি বি) ঘৰুৱা টুৰ্ণামেণ্ট চেম্পিয়নছ এদিনীয়া কাপ আৰম্ভ কৰিছে ৷ এই প্ৰতিযোগিতাখনত আম্পায়াৰিঙৰ মানদণ্ডৰ সন্দৰ্ভত উত্থাপন কৰা হৈছে প্ৰশ্ন । এই প্ৰশ্ন উত্থাপন কৰিছে পাকিস্তানৰ বলাৰ ফাহিম আশ্ৰফে ৷
প্ৰতিযোগিতাখন 24 ছেপ্টেম্বৰৰ পৰা আৰম্ভ হৈছিল ৷ তদুপৰি ইয়াত পাঁচটাকৈ দলে অংশগ্ৰহণ কৰে ৷ সেই দলসমূহ হৈছে ক্ৰমে- মাৰ্খৰ্ছ, ডলফিন, পেন্থাৰ, ষ্টেলিয়ন আৰু লায়ন ।
صرف سوچیں یہ بیان عمر اکمل / احمد شہزاد یا کراچی کے کسی کرکٹر نے دیا ہوتا تو کرکٹ بورڈ کیا کرتا pic.twitter.com/nfVmeW7TvL
— Shoaib Jatt (@Shoaib_Jatt) September 19, 2024
শ্বাহিন শ্বাহ আফ্ৰিদী (লায়ন্স), চাউদ চাকিল (ডলফিন), শ্বাদাব খান (পেন্থাৰছ), মহম্মদ হাৰিছ (ষ্টেলিয়ন) আৰু মহম্মদ ৰিজৱান (মাৰ্খোৰ) প্ৰতিযোগিতাখনৰ পাঁচজন অধিনায়ক ৷ মাৰ্খৰ্ছ এতিয়ালৈকে খেলা তিনিওখন মেচত জয়লাভ কৰি পইণ্ট তালিকাৰ শীৰ্ষত আছে ৷ আনহাতে, ষ্টেলিয়নছে এতিয়ালৈকে খেলা তিনিখন মেচৰ পৰা দুখনত জয়ৰ সৈতে দ্বিতীয় স্থানত আছে ।
ইয়াৰোপৰি হাৰিছ ৰউফ, ইমাম-উল-হক, উছামা মীৰ, ফখৰ জামান, ছেম আয়ুৱ আৰু নাছিম শ্বাহৰ দৰে একাংশ শীৰ্ষ ক্ৰিকেটাৰৰ নাম চেম্পিয়নছ কাপত অন্তৰ্ভুক্ত কৰা হৈছে । প্ৰতিযোগিতাখনত চেম্পিয়নৰ হৈ খেলি থকা ফাহিম আশ্ৰফে প্ৰকাশ কৰে যে, খেলুৱৈ আৰু আম্পায়াৰৰ মাজত থকা বন্ধুত্বৰ পৰিণতিত আম্পায়াৰসকলে কেতিয়াবা পক্ষপাতিত্বমূলকভাৱে সিদ্ধান্ত গ্ৰহণ কৰে ৷
অৱশ্যে পাকিস্তানী অলৰাউণ্ডাৰগৰাকীয়ে উত্থাপন কৰা এই প্ৰশ্নৰ সত্যাসত্যতা এতিয়াও জানিব পৰা হোৱা নাই ৷ কিন্তু বিষয়টো সঁচা প্ৰমাণিত হ’লে পাকিস্তানৰ ক্ৰিকেট জগতৰ আঁৰৰ বহু কথাই প্ৰকাশ পাব ৷
