স্প’ৰ্টছ ডেস্ক: সম্প্ৰতি দক্ষিণ আফ্ৰিকাত চলি থকা এদিনীয়া শৃংখলাত ব্যস্ত আছে পাকিস্তান ৷ তাৰমাজতে এজনৰ পিছত আনজনকৈ তিনিজন পাকিস্তানী খেলুৱৈয়ে ক্ৰিকেটক চিৰবিদায় জনোৱাৰ সিদ্ধান্ত কৰিছে ৰাজহুৱা ৷
ইমাদ ৱাছিমৰ পিছত মহম্মদ আমিৰ আৰু শেহতীয়াকৈ ফাষ্ট বলাৰ মহম্মদ ইৰফানে ক্ৰিকেটক বিদায় জনোৱাৰ কথা ৰাজহুৱা কৰে ৷ বিগত 36 ঘণ্টাৰ ভিতৰতে তৃতীয়জন পাকিস্তানী খেলুৱৈয়ে অৱসৰৰ কথা ঘোষণা কৰিছে ।
ক্ৰিকেটৰ পৰা অৱসৰ গ্ৰহণ মহম্মদ ইৰফানৰ
পাকিস্তানৰ বাওঁহতীয়া ফাষ্ট বলাৰগৰাকীয়ে সামাজিক মাধ্যমত অৱসৰ ঘোষণা কৰি এনেদৰে কয়, "মই আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ সিদ্ধান্ত লৈছো । মই মোৰ সতীৰ্থ, প্ৰশিক্ষক আৰু সকলোৰে সমৰ্থনৰ বাবে কৃতজ্ঞ ৷ সকলোৰে মৰম, উৎসাহ আৰু পাহৰিব নোৱাৰা স্মৃতিৰ বাবে ধন্যবাদ । মই খেলখনক সমৰ্থন আৰু উদযাপন কৰি যাম, যিয়ে মোক সকলো দিছে" ৷
I have decided to retirement from international cricket.I want to express my deepest gratitude to my teammates, coaches,Thank you for the love, the cheers, and the unforgettable memories.and I will continue to support and celebrate the game that has given me everything🇵🇰 zindabad
— Mohammad Irfan (@M_IrfanOfficial) December 14, 2024
মহম্মদ ইৰফানৰ ক্ৰিকেট কেৰিয়াৰ
মহম্মদ ইৰফানে 4 খন টেষ্ট, 60 খন এদিনীয়া আৰু 22 খন টি-20 মেচত পাকিস্তানক প্ৰতিনিধিত্ব কৰিছিল । খেলুৱৈগৰাকীয়ে টেষ্টত 10 টা উইকেট, এদিনীয়াত 83 টা আৰু টি-20 ক্ৰিকেটত 16 টা উইকেট লাভ কৰি মুঠ 109 টা উইকেট দখল কৰাৰ কৃতিত্ব গঢ়ি তোলে ।
ইমাদ আৰু আমিৰেও ঘোষণা কৰিছিল অৱসৰ
ইৰফানৰ পূৰ্বে ইমাদ ৱাছিম আৰু মহম্মদ আমিৰেও আন্তঃৰাষ্ট্ৰীয় ক্ৰিকেটৰ পৰা অৱসৰ ঘোষণা কৰিছিল । আমিৰে 36 খন টেষ্ট, 61 খন এদিনীয়া আৰু 62 খন টি-20 মেচ খেলিছিল । আমিৰে সকলো প্ৰকাৰৰ ফৰ্মেটৰ 159 খন খেলত 271 টা আন্তঃৰাষ্ট্ৰীয় উইকেট দখল কৰিছিল ।
আনহাতে, ইমাদ ৱাছিমে 55 খন এদিনীয়া আৰু 75 খন টি-20 ত পাকিস্তানক প্ৰতিনিধিত্ব কৰিছিল । তেওঁৰ আন্তঃৰাষ্ট্ৰীয় কেৰিয়াৰৰ 130 খন মেচত 117 টা উইকেট দখল কৰাৰ লগতে 1,540 ৰাণ সংগ্ৰহ কৰিছিল ।
লগতে পঢ়ক: চেম্পিয়নছ ট্ৰফীৰ পিছতে এদিনীয়া ক্ৰিকেটৰ পৰা অৱসৰ ল’ব এইগৰাকী অলৰাউণ্ডাৰ খেলুৱৈয়ে
