স্প’ৰ্টছ ডেস্ক, 27 আগষ্ট: টীম ইণ্ডিয়াৰ তাৰকা বেটছমেন কে এল ৰাহুলে আই পি এল 2025 সংস্কৰণৰ পূৰ্বে কলকাতাত সাক্ষাৎ কৰে লক্ষ্ণৌ চুপাৰ জায়েণ্টছৰ স্বত্বাধিকাৰী সঞ্জীৱ গোৱেংকাক ৷ আই পি এলৰ নতুন সংস্কৰণত খেলুৱৈগৰাকী দলটোৰ পৰা বাদ পৰাৰ অনুমান কৰা হৈছিল ৷ পিছে সোমবাৰৰ বৈঠকখনে ক্ৰিকেটাৰগৰাকীৰ সকলো পৰিকল্পনা সলনি কৰাৰ সম্ভাৱনাই দেখা দিছে ৷
সঞ্জীৱ গোৱেংকাক সাক্ষাৎ কে এল ৰাহুলৰ
ক্ৰিকবাজৰ এক প্ৰতিবেদন অনুসৰি, কে এল ৰাহুল আৰু এল এছ জিৰ স্বত্বাধিকাৰী সঞ্জীৱ গোৱেংকাৰ মাজত প্ৰায় এঘণ্টা ধৰি বৈঠক চলিছিল ৷ এই বৈঠক অনুষ্ঠিত হৈছিল আলিপুৰৰ ন্যায়াধীশ আদালত পথত ৷ বৈঠকৰ আলোচনাৰ বিষয় আছিল- পৰৱৰ্তী ছিজনৰ বাবে খেলুৱৈৰ অন্তৰ্ভুক্তিৰ লগতে কে এল ৰাহুলৰ দলটোত থকা-নথকাৰ বিষয়টো ৷
KL Rahul met Sanjeev Goenka in Kolkata.
— Mufaddal Vohra (@mufaddal_vohra) August 26, 2024
- Lucknow Supergiants eager to retain KL for IPL 2025. (Cricbuzz). pic.twitter.com/PEjFAI08fh
এল এছ জিতে থাকিব বিচাৰে ৰাহুলে
একে সময়তে, সংবাদ সংস্থা পি টি আইয়ে দাবী কৰে যে, ৰাহুলে লক্ষ্ণৌ চুপাৰ জায়েণ্টছৰ সৈতেই জড়িত হৈ থাকিব বিচাৰে ৷ এই অভিপ্ৰায় ইতিমধ্যে খেলুলৈগৰাকীয়ে ব্যক্ত কৰিছে ৷ কিন্তু ফ্ৰেঞ্চাইজিয়ে উইকেটকীপাৰ বেটছমেনগৰাকীক পৰৱৰ্তী ছিজনত দলত ৰখা-নৰখাক লৈ কোনো প্ৰতিশ্ৰুতি দিয়া নাই ।
KL Rahul wants to be retained by LSG ahead of IPL auction but LSG might not be all that interested. (PTI).
— Tanuj Singh (@ImTanujSingh) August 27, 2024
- LSG management has not given any commitments to KL Rahul even yesterday's meeting. pic.twitter.com/XhD2uf6eir
দলটোৰ ঘটনাক্ৰমৰ সৈতে পৰিচিত এগৰাকী আই পি এল পৰিচালনা পৰিষদৰ সদস্যই নাম প্ৰকাশ নকৰাৰ চৰ্তৰ বিষয়টোত সংবাদ মাধ্যমক এনেদৰে কয়, "হয়, ৰাহুল কলকাতালৈ আহিছিল আৰু আৰ পি জি মুখ্য কাৰ্যালয়ত ড৹ গোৱেংকাক সাক্ষাৎ কৰিছিল । তেওঁ স্পষ্টকৈ ড৹ গোৱেংকাক কৈছিল যে তেওঁ দলটোৰ হৈ খেলিব বিচাৰে । অৱশ্যে, যেতিয়ালৈকে বি চি চি আইয়ে এক নীতি প্ৰস্তুত নকৰে, তেতিয়ালৈকে দলটোৰ পৰিচালনা কমিটীয়ে নিজৰ সিদ্ধান্ত সদৰী কৰিব নিবিচাৰে" ৷
An IPL Governing member in LSG said - " kl rahul came to kolkata & met sanjiv goenka at rpg head office. rahul has clearly told goenka that he wants to be retained. till bcci comes up with retention policy, lsg management can't commit anyone". (pti). pic.twitter.com/lr8PNlBjDf
— Tanuj Singh (@ImTanujSingh) August 27, 2024
আই পি এলৰ সূত্ৰটোৱে লগতে কয়, "চাওক, ৰাহুলে দলটোত থাকিব বিচাৰে ৷ কিন্তু লক্ষ্ণৌ চুপাৰ জায়েণ্টছে কিমানজন খেলুৱৈ তাক তেতিয়ালৈকে মুকলিকৈ প্ৰকাশ কৰিব নোৱাৰে, যেতিয়ালৈকে নতুন নীতিসমূহ নিৰ্ধাৰণ নহয়" ৷
খেলপথাৰৰ মাজতে ৰাহুলক দুৰ্বব্যহাৰ গোৱেংকাৰ
আই পি এল 2024 ত ছানৰাইজাৰ্ছ হায়দৰাবাদৰ বিৰুদ্ধে অনুষ্ঠিত এখন মেচত ট্ৰেভিছ হেড আৰু অভিষেক শৰ্মাই লক্ষ্ণৌ চুপাৰ জায়েণ্টছৰ বলাৰসকলক বেয়াকৈ প্ৰহাৰ কৰি দলটোক পৰাজয়ৰ দিশে ঠেলি দিয়ে ৷ এই লজ্জাজনক পৰাজয়ৰ পিছত দলটোৰ স্বত্বাধিকাৰী সঞ্জীৱ গোৱেংকাই কে এল ৰাহুলক খেলপথাৰতে অশালীন আচৰণ কৰে ৷
The body language of LSG owner Sanjeev Goenka was awful during his post-match conversation with KL Rahul. Disappointment after a loss like that is obvious, but owners should never do this in public view with cameras all around. KL didn't have a great day, but I feel for him here. pic.twitter.com/ycZfzjMrvY
— Zucker Doctor (@DoctorLFC) May 8, 2024
আই পি এলৰ মেচৰ পিছত ৰাহুলৰ সৈতে গোৱেংকাৰ আছুতীয়া সাক্ষাৎকাৰে ক্ৰিকেটপ্ৰেমীৰ দৃষ্টি আকৰ্ষণ কৰিছিল ৷ কিয়নো অধিকাংশই ভাবিছিল, আই পি এল 2025 ত এল এছ জিৰ সৈতে সম্পৰ্ক ত্যাগ কৰিব ৰাহুলে । অৱশ্যে সাম্প্ৰতিক ঘটনাক্ৰম অনুসৰি, দুয়োগৰাকীয়ে অতীতৰ কথা পাহৰি নতুন সংস্কৰণত মনোনিৱেশ কৰি ট্ৰফী অৰ্জন কৰাটোকে লক্ষ্য বান্ধি লৈছে ৷
লেহেমীয়া বেটিঙৰ বাবে সমালোচনাৰ সন্মুখীন
কে এল ৰাহুলে যোৱা বছৰ লেহেমীয়া ষ্ট্ৰাইক ৰেটত বেটিং কৰাৰ বাবে যথেষ্ট সমালোচনাৰ সন্মুখীন হৈছিল ৷ কিয়নো তেওঁ লক্ষ্ণৌ চুপাৰ জায়েণ্টছক পাৱাৰ প্লে’ত এক সুন্দৰ আৰম্ভণি দিয়াত ব্যৰ্থ হৈছিল । ৰাহুলে 14 খন মেচত সংগ্ৰহ কৰিছিল 520 ৰাণ । খেলুৱৈগৰাকীৰ ষ্ট্ৰাইক ৰেট আছিল মাত্ৰ 136.12 আৰু ইয়াৰ বাবে সামাজিক মাধ্যমত যথেষ্ট সমালোচনাৰ সন্মুখীন হৈছিল । ৰাহুলে নিজৰ দলটোক প্লে’ অফথ উপনীত কৰোৱাত ব্যৰ্থ হোৱা দেখা যায় ৷
