বৰপেটা,৪ জুন: বিজয়ী হ'ল বৰপেটা লোকসভা সমষ্টিৰ অগপ প্ৰাৰ্থী ফণীভূষণ চৌধুৰী । উৎফুল্লিত অগপ-বিজেপি কৰ্মকৰ্তাসকল । পিছে নিজৰ ফলাফলক লৈ সুখী নহয় প্ৰাৰ্থীগৰাকী । আশানুৰূপ ফলাফল লাভ কৰা নাই বুলি উল্লেখ কৰে জ্যেষ্ঠ অগপ নেতাগৰাকীয়ে । বৰপেটাৰ মাধৱ চৌধুৰী মহাবিদ্যালয় ভোটগ্ৰহণ কেন্দ্ৰত উপস্থিত হৈ অগপ প্ৰাৰ্থী ফণীভূষণ চৌধুৰীয়ে ক্ষোভ উজাৰিলে ধৰ্মীয় সংখ্যালঘু ভোটাৰৰ প্ৰতি ৷
ফণীভূষণ চৌধুৰীৰ ক্ষোভ উজাৰি কয় যে, নিৰ্বাচনত জয়ী হোৱাটো পূৰ্বৰে পৰা নিশ্চিত আছিল ৷ কিন্তু ধৰ্মীয় সংখ্যালঘু সম্প্ৰদায়ৰ লোকৰ পৰা আশানুৰূপ ভোট তেওঁ লাভ নকৰিলে ৷ আনকি নিজ দলৰ কৰ্মীৰ ভোটদানক লৈও সন্দেহ প্ৰকাশ কৰে ফণীভূষণ চৌধুৰীয়ে ৷ নিজৰ লগতে ৰাজ্যখনৰ স্বাৰ্থত ধৰ্মীয় সংখ্যালঘুসকলক পৰৱৰ্তী সময়ত সহায়-সহযোগিতা আগবঢ়াবলৈ চৌধুৰীয়ে আহ্বান জনায় ৷
লগতে পঢ়ক: নিৰ্বাচনৰ ফলাফলক লৈ কিমান আশাবাদী অসমৰ প্ৰাৰ্থীসকল - Lok Sabha Election Results 2024
