গুৱাহাটী, ৪ জুন: অন্ত পৰিল দীঘলীয়া অপেক্ষাৰ । আজি ভাগ্য নিৰ্ণয় হ'ব অসমৰ ১৪ টা লোকসভা সমষ্টিৰ মুঠ ১৪৩ গৰাকী প্ৰাৰ্থীৰ । ৰাজ্যৰ ৫০ খন নিৰ্বাচনী জিলাৰ ৫২ টা ভোটগণনা কেন্দ্ৰৰ ১৫২ টা হলৰ ১৯৪১ খন টেবুলত ভোটগণনাৰ ব্যৱস্থা কৰা হৈছে । পুৱা ৮ বজাৰ পৰা আৰম্ভ হ’ব ভোটগণনা । ই ভি এমত বন্দী হৈ থকা প্ৰাৰ্থীসকলৰ আজি ভাগ্য নিৰ্ণয় হ'ব । ফলাফল ঘোষণাৰ বাবে যাৱতীয় প্ৰস্তুতিৰে সাজু হৈছে নিৰ্বাচন আয়োগ ।
ভোটগণনাৰ যাৱতীয় ব্যৱস্থা :
ৰাজ্যৰ ৫০ খন নিৰ্বাচনী জিলাত ৫২ টা ভোটগণনা কেন্দ্ৰৰ ব্যৱস্থা কৰা হৈছে । ভোটগণনা কেন্দ্ৰত ই ভি এমৰ ভোটৰ গণনাৰ উপৰিও পোষ্টেল বেলটৰ গণনা কৰাৰ ব্যৱস্থা কৰা হৈছে । আনহাতে ৫২ টা ভোটগণনা কেন্দ্ৰত ভোট গণনাৰ বাবে ১৫২ টা হলৰ ব্যৱস্থা কৰা হৈছে । সেইদৰে ১৫২ টা হলত ভোট গণনাৰ বাবে মুঠ ১৯৪১ খন টেবুলৰ ব্যৱস্থা কৰা হৈছে । উল্লেখ্য যে ডিফুৰ আমৰি সমষ্টিত সবাতোকৈ কম ১০ টা ৰাউণ্ডতে ভোটগণনা সমাপ্ত হ'ব । সেইদৰে জলেশ্বৰ আৰু পূব গোৱালপাৰা সমষ্টিত সৰ্বাধিক ২৮ টা ৰাউণ্ড হ'ব । বাকী সমষ্টি সমূহত ১০ ৰ পৰা ২৮ টা ৰাউণ্ডৰে ভিতৰতে ভোটগণনা হ'ব । ইফালে ভোটগণনাত নিয়োজিত হৈছে ৫৮২৩ গৰাকী কাউণ্টিং ষ্টাফ । তদুপৰি নিৰ্বাচন আয়োগৰ দ্বাৰা নিয়োজিত কৰা হৈছে ৬৪ গৰাকী সাধাৰণ নিৰীক্ষক । ইফালে পোষ্টেল বেলেটৰ সংখ্যা হৈছে ১,২৮,২৯৯ টা । অৱশ্যে এই সংখ্যা বৃদ্ধি পোৱাৰ সম্ভাৱনা আছে । আনহাতে কিবা বিসংগতি ধৰা পৰা ই ভি এমৰ ক্ষেত্ৰত ভোটগণনা প্ৰক্ৰিয়া সমাপ্ত হোৱাৰ পিচত সেইসমূহৰ গণনা কৰা হ’ব । ভি ভি পেট গণনা কৰা হ'ব ।
অসমৰ নিৰ্বাচনী প্ৰেক্ষাপট :
অসমত তিনিটা পৰ্যায়ত নিৰ্বাচন অনুষ্ঠিত হৈছিল । প্ৰথম পৰ্যায়ত ১৯ এপ্ৰিলত কাজিৰঙা, শোণিতপুৰ, লখিমপুৰ, ডিব্ৰুগড় আৰু যোৰহাট লোকসভা সমষ্টিত নিৰ্বাচন অনুষ্ঠিত হৈছিল । দ্বিতীয় পৰ্যায়ত ২৬ এপ্ৰিলত দৰং-ওদালগুৰি, ডিফু, কৰিমগঞ্জ, শিলচৰ আৰু নগাঁৱত নিৰ্বাচন অনুষ্ঠিত হৈছিল । তৃতীয় পৰ্যায়ত কোকৰাঝাৰ, বৰপেটা, ধুবুৰী আৰু গুৱাহাটীত নিৰ্বাচন অনুষ্ঠিত হৈছিল । প্ৰথম পৰ্যায়ৰ নিৰ্বাচনত ভোটদানৰ হাৰ আছিল ৭৮.২৫ শতাংশ, দ্বিতীয় পৰ্যায়ত ভোটদানৰ হাৰ আছিল ৮১.১৭ শতাংশ আৰু তৃতীয় পৰ্যায়ৰ নিৰ্বাচনত ভোটদানৰ হাৰ ৮৫.৪৫ শতাংশ । মুঠ ১৪ টা সমষ্টিত ভোটদানৰ হাৰ আছিল ৮১.৫৬ শতাংশ । আনহাতে ধুবুৰীৰ বীৰসিং জাৰুৱা বিধানসভা সমষ্টিত সৰ্বাধিক ৯৪.১০ শতাংশ আৰু নিউ গুৱাহাটী বিধানসভা সমষ্টিত সৰ্বনিম্ন ৬৭.৯৩ শতাংশ ভোটদান হৈছিল । সেইদৰে লোকসভা সমষ্টি হিচাপত ধুবুৰী লোকসভা সমষ্টিত সৰ্বাধিক ৯২.০৮ শতাংশ আৰু লখিমপুৰ লোকসভা সমষ্টিত সৰ্বনিম্ন ৭৪.৪২ শতাংশ ভোটদান হৈছিল ।
লোকসভা নিৰ্বাচনৰ ফলাফলৰ লাইভ আপডেট জানিবলৈ ক্লিক কৰক- https://www.etvbharat.com/as/!elections/lok-sabha-election-results-2024
সমষ্টি অনুসৰি ভাগ্য নিৰ্ণয় হ'বলগীয়া প্ৰাৰ্থীসকল :
কাজিৰঙা সমষ্টিৰ ১১গৰাকী প্ৰাৰ্থী : ভোটদানৰ হাৰ ৭৯.৩৩ শতাংশ
- বিজেপিৰ কামাখ্যা প্ৰসাদ তাছা
- কংগ্ৰেছৰ ৰ'জলীনা তির্কী
- ভোটাৰ্ছ পাৰ্টী ইণ্টাৰনেচনেলৰ অনিমা ডেকা গুপ্তা
- অসম জনমৰ্চাৰ চেলিম আহমেদ
- ৰিপাব্লিকান পাৰ্টী অৱ ইণ্ডিয়াৰ (আঠৱালে) ছালেহ আহমেদ মজুমদাৰ
- ভাৰতীয় গণ পৰিষদৰ শৈলেন চন্দ্ৰ মালাকাৰ
- নিৰ্দলীয় আব্দুল হক
- নির্দলীয় জ্যোতিষ্ক ৰঞ্জন গোস্বামী
- নির্দলীয় নিদীৱ জ্যোতি ভূঞা
- নির্দলীয় দিলোৱাৰ বেগম চৌধুৰী
- নিৰ্দলীয় বিনোদ গগৈ
শোণিতপুৰ সমষ্টিৰ ৮ গৰাকী প্ৰাৰ্থী : ভোটদানৰ হাৰ ৭৮.৪৬ শতাংশ :
- কংগ্ৰেছৰ প্ৰেমলাল গঞ্জু
- বিজেপিৰ ৰঞ্জিত দত্ত
- আম আদমী পাৰ্টিৰ ঋষিৰাজ কৌণ্ডিন্য
- বি পি এফৰ ৰাজু দেউৰী
- বহুজন মহাপাৰ্টিৰ আলম আলী
- ভোটাৰ্ছ পাৰ্টী ইন্টাৰনেচনেলৰ ৰামেশ্বৰ স্বৰ্গীয়াৰী
- গণ সুৰক্ষা পাৰ্টীৰ ৰিংকু ৰয়
- নিৰ্দলীয় প্ৰদীপ ভাণ্ডাৰী
লখিমপুৰ সমষ্টিৰ ৯ গৰাকী প্ৰাৰ্থী : ভোটদানৰ হাৰ ৭৬.৪২ শতাংশ :
- কংগ্ৰেছৰ উদয় শংকৰ হাজৰিকা
- বিজেপিৰ প্ৰদান বৰুৱা
- অল ইণ্ডিয়া তৃণমূল কংগ্ৰেছৰ ঘন কান্ত চুতীয়া
- কমিউনিষ্ট পাৰ্টী অব ইণ্ডিয়াৰ ধীৰেণ কছাৰী
- ছ'চিয়েলিষ্ট ইউনিটি চেন্টাৰ অব ইণ্ডিয়াৰ (কমিউনিষ্ট) পল্লৱ পেগু
- ভোটাৰ্ছ পাৰ্টী ইন্টাৰনেচনেল বীৰেণ বাইলুং
- নিৰ্দলীয় গোবিন বিশ্বকর্মা
- নির্দলীয় দেৱ নাথ পাইট
- নিৰ্দলীয় বিক্ৰম ৰামচিয়াৰী
ডিব্ৰুগড়ৰ সমষ্টিৰ ৩ গৰাকী প্ৰাৰ্থী : ভোটদানৰ হাৰ ৭৬.৭৫ শতাংশ :
- বিজেপিৰ সৰ্বানন্দ সোণোৱাল
- অসম জাতীয় পৰিষদৰ লুৰীণজ্যোতি গগৈ
- আম আদমী পাৰ্টীৰ মনোজ ধানোৱাৰ
যোৰহাট সমষ্টিৰ ৪ গৰাকী প্ৰাৰ্থী : ভোটদানৰ হাৰ ৭৯.৮৯ শতাংশ :
- কংগ্ৰেছৰ গৌৰৱ গগৈ
- বিজেপিৰ তপন কুমাৰ গগৈ
- একম সনাতন ভাৰত দলৰ অৰুণ চন্দ্ৰ সন্দিকৈ
- নিৰ্দলীয় ৰাজ কুমাৰ দুৱৰা
দৰং-ওদালগুৰি সমষ্টিৰ ১১ গৰাকী প্ৰাৰ্থী : ভোটদানৰ হাৰ ৮২.০১ শতাংশ :
- বিজেপিৰ দিলীপ শইকীয়া
- কংগ্ৰেছৰ মাধৱ ৰাজবংশী
- বি পি এফৰ দুৰ্গা দাস বড়ো
- ভাৰতীয় জৱান কিষান পাৰ্টীৰ অৰুণ বৰা
- ৰিপাব্লিকান পাৰ্টী অব ইণ্ডিয়াৰ (আঠৱালে) আবুল কাছেম
- ৰাষ্ট্ৰীয় উলামা কাউন্সিলৰ আব্দুল হামেদ
- এছ ইউ চি আইৰ (চি) জীতেন্দ্ৰ চলিহা
- ভাৰতীয় গণ পৰিষদৰ বীৰেণ বসাক
- ভোটাৰ্চ পাৰ্টী ইণ্টাৰনেচনেলৰ ললিত পেগু
- গণ সুৰক্ষা পাৰ্টীৰ স্বৰ্ণ দেৱী
- নিৰ্দলীয় ডেনিয়েল মাৰ্ডী
ডিফু সমষ্টিৰ ৫ গৰাকী প্ৰাৰ্থী : ভোটদানৰ হাৰ ৭৫.৭৪ শতাংশ :
- কংগ্ৰেছৰ জয়ৰাম ইংলেং
- বিজেপিৰ অমৰছিং তিছ'
- এ এছ ডি চিৰ জৎছন বে'
- গণ সুৰক্ষা পার্টীৰ জন বাৰ্নাড চাংমাই
- নিৰ্দলীয় প্ৰাৰ্থী জন ইংতি কাথাৰ
কৰিমগঞ্জ সমষ্টিৰ ২৪ গৰাকী প্ৰাৰ্থী : ভোটদানৰ হাৰ ৮০.৪৮ শতাংশ :
- বিজেপিৰ কৃপানাথ মাল্লা
- কংগ্ৰেছৰ হাফিজ ৰচিদ আহমেদ চৌধুৰী
- এ আই ইউ ডি এফৰ চাহাবুল ইছলাম চৌধুৰী
- ৰাষ্ট্ৰীয় উলামা কাউন্সিলৰ আহাদ উদ্দিন
- বেংগলী নৱনিৰ্মাণ সেনাৰ দেৱাশীষ ঘোষ
- ছ'চিয়েলিষ্ট ইউনিটি চেন্টাৰ অৱ ইণ্ডিয়াৰ (কমিউনিষ্ট) প্ৰজ্জ্বল সুদীপ দেৱ
- নিৰ্দলীয় আব্দুচ সুভন্ত তপাদাৰ
- নির্দলীয় আব্দুল কালাম মজুমদাৰ
- নিৰ্দলীয় আব্দুল গফৰ তালুকদাৰ
- নিৰ্দলীয় আব্দুল বাচিত তপাদাৰ
- নিৰ্দলীয় আব্দুল হামিদ
- নিৰ্দলীয় আলিম উদ্দিন মজুমদাৰ
- নিৰ্দলীয় গোপাল চন্দ্ৰ পাল
- নিৰ্দলীয় জীৱেশ দেৱ
- নিৰ্দলীয় দিলীপ কুমাৰ
- নিৰ্দলীয় দেৱজ্যোতি নাথ
- নিৰ্দলীয় বিনয় কৃষ্ণ ৰায়
- নিৰ্দলীয় নজৰুল ইছলাম লস্কৰ
- নিৰ্দলীয় মুজ্জাকিৰ হুছেইন লস্কৰ
- নিৰ্দলীয় ৰকিবুল হুছেইন চৌধুৰী
- নিৰ্দলীয় ৰচিদ আহমেদ চৌধুৰী
- নিৰ্দলীয় ৰচিদ আহমেদ লস্কৰ
- নিৰ্দলীয় চাফিকুৰ ৰহমান হাজাৰি
- নিৰ্দলীয় চাহেল আহমেদ
শিলচৰ সমষ্টিৰ ৮ গৰাকী প্ৰাৰ্থী : ভোটদানৰ হাৰ ৭৯.০৫ শতাংশ :
- বিজেপিৰ পৰিমল শুক্লবৈদ্য
- কংগ্ৰেছৰ সূৰ্যকান্ত সৰকাৰ
- এছ ইউ চি আইৰ (চি) প্ৰভাস চন্দ্ৰ সৰকাৰ
- বেংগলী নৱনিৰ্মাণ সেনাৰ ৱাৰিন্দ্ৰ কুমাৰ দাস
- বহুজন মহাপাৰ্টীৰ ৰাজীৱ দাস
- তৃণমূল কংগ্ৰেছৰ ৰাধেশ্যাম বিশ্বাস
- নিৰ্দলীয় অনন্ত মোহন ৰায়
- নিৰ্দলীয় ৰাজু দাস
নগাঁও সমষ্টিৰ ১৩ গৰাকী প্ৰাৰ্থী : ভোটদানৰ হাৰ ৮৪.৯৭ শতাংশ :
- কংগ্ৰেছৰ প্ৰদ্যুৎ বৰদলৈ
- বিজেপিৰ সুৰেশ বৰা
- এ আই ইউ ডি এফৰ আমিনুল ইছলাম
- জয় প্ৰকাশ জনতা দলৰ অনুপম বৰুৱা
- অসম জন মৰ্চাৰ ছাইফুল ইছলাম চৌধুৰী
- ৰাষ্ট্ৰীয় উলামা কাউন্সিলৰ ৰাবুল হক
- ভাৰতীয় গণ পৰিষদৰ শান্তনু মুখাৰ্জী
- নিৰ্দলীয় আবু ইউচুফ মহম্মদ ৰহিম উদ্দিন
- নিৰ্দলীয় আবু চামা
- নিৰ্দলীয় চামচুল আলম
- নিৰ্দলীয় নিখিল ডেকাৰাজা
- নিৰ্দলীয় বিপদ ভঞ্জন সৰকাৰ
- নিৰ্দলীয় শিখা শৰ্মা
কোকৰাঝাৰ সমষ্টিৰ ১২গৰাকী প্ৰাৰ্থী : ভোটদানৰ হাৰ ৮৩.৫৫ শতাংশ :
- বি পি এফৰ খাম্ফা বৰগয়াৰী
- ইউ পি পি এলৰ (এন ডি এ) জয়ন্ত বসুমতাৰী
- কংগ্ৰেছৰ গৰ্জন মুছাহাৰী
- গণ সুৰক্ষা পাৰ্টিৰ বিনীতা ডেকা
- অবড়ো সুৰক্ষা সমিতিৰ সমৰ্থিত নির্দলীয় প্ৰার্থী জ্যোতিষ (জোন) দাস
- তৃণমূল কংগ্ৰেছৰ গৌৰী শংকৰ শৰণীয়া
- ভোটাৰ্চ পাৰ্টী ইণ্টাৰনেচনেলৰ ললিত পেগু
- নিৰ্দলীয় প্ৰাৰ্থী অজয় নাৰ্জাৰী
- নিৰ্দলীয় প্ৰাৰ্থী তৃপ্তিনা ৰাভা
- নিৰ্দলীয় প্ৰাৰ্থী পংকজ ইছলাৰী
- নিৰ্দলীয় প্ৰাৰ্থী পৃথ্বীৰাজ নাৰায়ণ দেৱ মেচ
- নিৰ্দলীয় প্ৰাৰ্থী ৰঞ্জন কুমাৰ ব্ৰহ্ম
ধুবুৰী সমষ্টিৰ ১৩ গৰাকী প্ৰাৰ্থী : ভোটদানৰ হাৰ ৯২.০৮ শতাংশ :
- কংগ্ৰেছৰ ৰকিবুল হুছেইন
- এ আই ইউ ডি এফৰ বদৰুদ্দিন আজমল
- অগপৰ (এন ডি এ) জাবেদ ইছলাম
- ভাৰতীয় গণ পৰিষদৰ এছ এম জিয়াউল হক
- ছ'চিয়েলিষ্ট ইউনিটি চেন্টাৰ অব ইণ্ডিয়াৰ (কমিউনিষ্ট) সুৰত জামান মণ্ডল
- ভোটাৰ্চ পাৰ্টী ইণ্টাৰনেচনেলৰ তহিদ্দুৰ ৰহমান
- হিন্দু সমাজ পাৰ্টীৰ ৰাধাৰাণী বিশ্বাস
- ৰিপাব্লিক পাৰ্টী অৱ ইণ্ডিয়াৰ (আঠৱালে) ৰেজাউল কৰিম
- অসম জন মৰ্চাৰ শুকুৰ আলী
- দা নেচনেল ৰোড মেপ পাৰ্টী অৱ ইণ্ডিয়াৰ হাফিজ বুঢ়ানউদ্দিন
- নিৰ্দলীয় অলকেশ ৰয়
- নির্দলীয় ফাৰুক খান
- নিৰ্দলীয় বিশ্বজিৎ ৰায়
বৰপেটা সমষ্টিৰ ১৪ গৰাকী প্ৰাৰ্থী : ভোটদানৰ হাৰ ৮৫.২৪ শতাংশ :
- অগপৰ ফণীভূষণ চৌধুৰী
- কংগ্ৰেছৰ দীপ বায়ন
- চি পি আই এমৰ মনোৰঞ্জন তালুকদাৰ
- বি পি এফৰ চামেজ উদ্দিন
- ৰাষ্ট্ৰীয় উলেমা কাউন্সিলৰ আবুবক্কৰ ছিদ্দিকি
- তৃণমূল কংগ্ৰেছৰ আবুল কালাম আজাদ
- ৰিপাব্লিক পাৰ্টী অৱ ইণ্ডিয়াৰ (আঠৱালে) আমজাদ আলী
- ছ'চিয়েলিষ্ট ইউনিটি চেন্টাৰ অব ইণ্ডিয়াৰ (কমিউনিষ্ট) চিত্ৰলেখা দাস
- ভোটাৰ্চ পাৰ্টী ইণ্টাৰনেচনেলৰ ছাহজাহান আলী খান
- নিৰ্দলীয় এ হক
- নিৰ্দলীয় দুলু আহমেদ
- নিৰ্দলীয় জগন্নাথ ৰায়
- নিৰ্দলীয় দেৱান মহিবুল ইছলাম
- নিৰ্দলীয় মতিয়াৰ ৰহমান
গুৱাহাটী সমষ্টিৰ ৮ গৰাকী প্ৰাৰ্থী : ভোটদানৰ হাৰ ৭৮.৩৯ শতাংশ :
- বিজেপিৰ বিজুলী কলিতা মেধি
- কংগ্ৰেছৰ মীৰা বৰঠাকুৰ গোস্বামী
- ভাৰতীয় গণ পৰিষদৰ সামাদ চৌধুৰী
- বহুজন মহাপাৰ্টিৰ চেজন গয়াৰী
- একম সনাতন ভাৰত দলৰ অমিতাভ শৰ্মা
- ভোটাৰ্চ পাৰ্টী ইন্টাৰনেচনেল দলৰ দীপক কুমাৰ বড়ো
- নিৰ্দলীয় প্ৰাৰ্থী কাজি নেকিব আহমেদ
- নিৰ্দলীয় প্ৰাৰ্থী কৰ্ণেল গোকুল চন্দ্ৰ সিংহ
