বলীউডৰ শ্বেহেনশ্বাহ অমিতাভ বচ্চনৰ বয়স হৈছে ৮২ বছৰ আৰু তেওঁৰ পত্নী জয়া বচ্চনেও ইতিমধ্যে ৭৬ বছৰ অতিক্ৰম কৰিছে যদিও এই বয়সতো তেওঁলোকৰ মুখৰ ছাল সদায় জিলিকি থাকে ৷ আপুনি কেতিয়াবা ভাবিছেনে তেওঁলোকৰ জিলিকি থকা মুখখনৰ আঁৰৰ কাৰণ কি ? শেহতীয়াকৈ এটি সাক্ষাতকাৰত পিতৃ-মাতৃৰ উৎকৃষ্ট ছালৰ ৰহস্যৰ বিষয়ে ক’লে কন্যা শ্বেতা বচ্চনে ৷ জানো আহক পিতৃ-মাতৃৰ উজ্বল ছালৰ ৰহস্যৰ বিষয়ে কি ক’লে শ্বেতা বচ্চনে তথা এনে কি সামগ্ৰী আছে যাৰ দ্বাৰা আপুনিও উজ্বল ছালৰ গৰাকী হ’ব পাৰে ৷
ছালৰ বাবে সৰিয়হৰ তেল
শ্বেতা বচ্চনে মীৰা কাপুৰৰ ইউটিউব ধাৰাবাহিক ‘স্কিন এণ্ড উইথিন’ত কয় যে, বঙালী লোকে সৰিয়হৰ তেল বহু পৰিমাণে ব্যৱহাৰ কৰে ৷ মায়ে দৈনিক মাছ খায় আৰু দেউতাই প্ৰতিদিনে মুখ আৰু শৰীৰত সৰিয়হৰ তেল লগায় ৷ আজিলৈকে তেওঁ কেতিয়াও কোনো ধৰণৰ প্ৰসাধন চিকিৎসা কৰা নাই ৷ সেইবাবেই মই ভাবো যে দুয়োৰে বয়স হোৱাৰ সত্ত্বেও তেওঁলোকৰ ছালখন ইমানেই উজ্বল আৰু সুস্থ ৷
শ্বেতা বচ্চনে কয় যে, তেওঁৰ মাতৃ আৰু পিতৃয়ে সৰিয়হৰ তেলক তেওঁলোকৰ স্বাস্থ্যসন্মত জীৱনশৈলীৰ অংশ কৰি লৈছে ৷ তেওঁ কয়, “মই এইটোও ভাবো যে আপোনাৰ ছালৰ ৮০ শতাংশ নিৰ্ভৰ কৰে আপোনাৰ স্বাস্থ্যসন্মত খাদ্যৰ ওপৰত ৷”
সৰিয়হ তেলৰ উপকাৰিতা
ঘৰুৱা কামৰ উপৰিও সৰিয়হ তেলে আপোনাৰ মুখখন অধিক উজ্বল কৰি তোলে, ৰং বৃদ্ধি কৰা আৰু বলিৰেখা আঁতৰোৱাতো সহায় কৰে ৷ এই তেলে ৰক্ত সঞ্চালন ভালদৰে বৃদ্ধি কৰে আৰু চকুৰ চাৰিওফালে থকা ক’লা দাগ আঁতৰোৱাতো সহায় কৰিব পাৰে ৷ বহুতে ওঁঠ ফাটি যোৱা আৰু বলিৰেখা আঁতৰাবলৈও সৰিয়হৰ তেলৰ ওপৰত নিৰ্ভৰ কৰে ৷ কিন্তু ইয়াৰ প্ৰভাৱ ছালভেদে বেলেগ বেলেগ হ’ব পাৰে ৷
সৰিয়হৰ তেল সকলোৰে বাবে উপকাৰী নে ?
সকলো মানুহেই সৰিয়হৰ তেলৰ লাভ পাব পাৰে সেয়া প্ৰয়োজনীয় নহয় ৷ কাৰণ সৰিয়হ তেল লগোৱাৰ সময়ত আমি কিছুমান কথাৰ যত্ন লোৱাটোও উচিত ৷ সকলোৱে ছালত সৰিয়হৰ তেল লগাব পাৰে যদিও কিছু বিশেষ সাৱধানতা অৱলম্বন কৰা উচিত ৷ ইয়াৰ বাবে ছালৰ যত্ন বিশেষজ্ঞৰ পৰামৰ্শ ল’ব লোৱাটো জৰুৰী কাৰণ সকলোৰে ছালৰ ধৰণ বেলেগ বেলেগ হয় আৰু একে পদ্ধতিয়ে সকলোৰে বাবে কাম কৰাটো প্ৰয়োজনীয় নহয় ৷
