চিটাৰা ডেস্ক, ১২ ফেব্ৰুৱাৰী: বিগ বছ অ’টিটি বিজয়ী তথা জনপ্ৰিয় ইউটিউবাৰ এলভিছ যাদৱ প্ৰায়ে কিবা নহয়, কিবা কাৰণত বাতৰিৰ শিৰোনামত থাকে । কেতিয়াবা যদি অভিষেক মালহানৰ লগত তেওঁৰ ছ’চিয়েল মিডিয়াত তৰ্কযুদ্ধৰ বাবে বাতৰিৰ শিৰোনামত থাকে, আন কেতিয়াবা আকৌ সাপৰ বিষ পাৰ্টিত যোগান ধৰাৰ অভিযোগত বাতৰিৰ শিৰোনাম দখল কৰি আহিছে এলভিছে ৷ অৱশ্যে এতিয়াও যেন এলভিছৰ সমস্যাৰ শাম কটা নাই ৷ বৰ্তমান জয়পুৰত আছে এলভিছ । ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে এলভিছ যাদৱৰ এটা ভিডিঅ’, যিটো দেখি হয়তো আপুনিও আচৰিত হ’ব ।
-
#ElvishYadav slapping someone at a resturant pic.twitter.com/I720rqPYlY
— The Khabri (@TheKhabriTweets) February 11, 2024
দৰাচলতে জয়পুৰৰ এখন ৰেষ্টুৰেণ্টত এজন লোকৰ সৈতে কাজিয়াত লিপ্ত হোৱা দেখা গৈছে এলভিছক । ইয়াৰ পূৰ্বে এলভিছে ৰেভ পাৰ্টিত সাপ আৰু ইয়াৰ বিষ যোগান ধৰাৰ বিষয়টোক লৈ বাতৰিৰ শিৰোনাম দখল কৰিছিল । এতিয়া এই ভিডিঅ’টোৰ বাবে বাতৰিৰ শিৰোনাম দখল কৰিছে এলভিছ যাদৱে ।
এইখিনিতে উল্লেখ কৰিব লাগিব যে বিগ বছ অ’টিটি ছিজন ২ বিজয়ী এলভিছ যাদৱ পেছাদাৰী জীৱনতকৈও অধিক নিজৰ ব্যক্তিগত জীৱনৰ বাবে চৰ্চাত থাকে । এইবাৰ এটা ভাইৰেল ভিডিঅ’ৰ বাবে আকৌ এবাৰ চৰ্চালৈ আহিছে এলভিছ ৷ ভিডিঅ’টো জয়পুৰৰ এখন ৰেষ্টুৰেণ্টৰ, য’ত এলভিছ যাদৱে এজন লোকৰ গালত পূৰ্ণহতীয়া চৰ সোধায় । এতিয়া ভিডিঅ’টো ভাইৰেল হৈ পৰিছে ছ’চিয়েল মিডিয়াত ।
বিগ বছ বিজয়ী এলভিছ যাদৱৰ এই ভিডিঅ’টো দ্য খবৰীয়ে তেওঁৰ ছ’চিয়েল মিডিয়া এক্স একাউণ্টত শ্বেয়াৰ কৰিছে, য’ত তেওঁক এজন ব্যক্তিৰ সৈতে কাজিয়া কৰা দেখা গৈছে । এই সময়চোৱাত তেওঁৰ আশে-পাশে আন বহু লোককো দেখা পোৱা যায় আৰু এজন আৰক্ষী বিষয়াকো এই ভিডিঅ’টোত দেখা গৈছে । অৱশ্যে এই কাজিয়াৰ কাৰণ এতিয়ালৈকে প্ৰকাশ পোৱা নাই ৷
এলভিছ যাদৱৰ বিষয়ে
এলভিছ যাদৱে ২০১৬ চনত নিজৰ ইউটিউব একাউণ্ট খুলিছিল । ইয়াৰ পিচত ২০২৩ চনৰ ১৪ আগষ্টত বিগ বছ অ’টিটি ছিজন টুৰ বিজয়ী হয় এলভিছ যাদৱ । অৱশ্যে ইয়াৰ প্ৰথম ৰানাৰ্ছ আপৰ স্থান লাভ কৰিছিল অভিষেক মালহানে ।
লগতে পঢ়ক : Nana Patekar Slaps Fan: অনুৰাগীক পূৰ্ণহতীয়া চৰ সোধালে নানা পাটেকাৰে, কিন্তু কিয় ?
