ৰাঁচী: চাইবাৰ অপৰাধীয়ে প্ৰায়ে যিকোনো ব্যক্তিৰ ভুৱা পৰিচয়লিপি প্ৰস্তুত কৰি প্ৰৱঞ্চনাত লিপ্ত হয় । সাধাৰণ লোকৰ পৰা আৰম্ভ কৰি মন্ত্ৰী-বিষয়ালৈকে সকলোৱে কম-বেছি পৰিমানে চাইবাৰ অপৰাধীৰ জালত পৰিছে । এইবাৰ সকলো সীমা অতিক্ৰম কৰি ৰাষ্ট্ৰপতি দ্ৰৌপদী মুৰ্মুৰ ভুৱা পৰিচয়লিপি প্ৰস্তুত কৰি প্ৰৱঞ্চনা কৰাৰ চেষ্টা কৰিছে চাইবাৰ অপৰাধীয়ে । এই বিষয়টো গুৰুত্বসহকাৰে বিবেচনা কৰি ৰাঁচী আৰক্ষীয়ে এখন এজাহাৰ পঞ্জীয়ন কৰাৰ লগতে আৰম্ভ কৰিছে তদন্ত ।
চাইবাৰ অপৰাধীয়ে সাধাৰণ লোকক প্ৰতাৰিত কৰিবলৈ ৰাষ্ট্ৰপতি দ্ৰৌপদী মুৰ্মুৰ এটা ভুৱা ফেচবুক একাউণ্ট খুলিছে । বিষয়টো ঝাৰখণ্ডৰ এজন নাগৰিকে আৰক্ষীৰ দৃষ্টিগোচৰ কৰাৰ পিছত ৰাঁচী আৰক্ষীয়ে এখন এজাহাৰ পঞ্জীয়ন কৰি ব্যৱস্থা গ্ৰহণ কৰিছে । ভুৱা আই ডিৰ ইউ আৰ এল সংশ্লিষ্ট ব্যক্তিজনৰ পৰা লাভ কৰাত তাৰ আধাৰত গোচৰটোৰ তদন্ত কৰা হৈছে ।
ঝাৰখণ্ডৰ হাজৰিবাগৰ বাসিন্দা মণ্টু চোনী হৈছে সেইজন ব্যক্তি যিয়ে ৰাষ্ট্ৰপতিৰ ভুৱা পৰিচয় পৰিচয় প্ৰস্তুত কৰাৰ বাবে বিষয়টো ঝাৰখণ্ড আৰক্ষী আৰু দিল্লী আৰক্ষীৰ দৃষ্টিগোচৰ কৰে । মণ্টু চোনীয়ে তেওঁৰ এক্সত লিখিছিল যে তেওঁ ৰাষ্ট্ৰপতিৰ ফটোৰ সৈতে একাউণ্টৰ পৰা এটা বাৰ্তা লাভ কৰে য'ত লিখা আছিল, "জয় হিন্দ, আপুনি কেনে আছে ?" প্ৰ'ফাইলটোৰ পিছফালে থকা চাইবাৰ অপৰাধীজনে কৈছিল- "মই খুব কম সময়হে ফেচবুক ব্যৱহাৰ কৰো, আপুনি মোলৈ আপোনাৰ হোৱাটছএপ নম্বৰ প্ৰেৰণ কৰক ।"
যেতিয়া মণ্টুৱে তেওঁৰ নম্বৰটো অভিযুক্ত চাইবাৰ অপৰাধীলৈ প্ৰেৰণ কৰে তাৰ পিছত তেওঁৰ ফেচবুক মেছেঞ্জাৰত এটা বাৰ্তা লাভ কৰে য'ত লিখা আছিল- "আমি আপোনাৰ নম্বৰ সংৰক্ষণ কৰিছো, আপোনালৈ আমাৰ হোৱাটছএপৰ কোড প্ৰেৰণ কৰিছো, যিটো আপোনাৰ হোৱাটছএপলৈ গৈছে । অনুগ্ৰহ কৰি সেই কোডটো সোনকালে আমালৈ প্ৰেৰণ কৰক ।
তেওঁ এক্স-ত ৰাষ্ট্ৰপতি ভৱন, ঝাৰখণ্ড আৰক্ষী আৰু অন্যান্য সংস্থাক অৱগত কৰিছিল । এক্স-ৰ তাৎক্ষণিক বিবেচনা কৰি ৰাঁচীৰ এছ এছ পিয়ে মণ্টু চোনীক ফেচবুকৰ সম্পূৰ্ণ বিৱৰণ বিচাৰে । সকলো বিৱৰণ মণ্টু চোনীয়ে ৰাঁচী আৰক্ষীক প্ৰদান কৰাৰ পিছত অজ্ঞাত চাইবাৰ অপৰাধীৰ বিৰুদ্ধে এটা গোচৰ ৰুজু কৰা হয় । কাৰিকৰী কোষ আৰু চাইবাৰ অপৰাধ শাখাৰ দলে গোচৰটোৰ তদন্ত কৰি আছে ।
লগতে পঢ়ক: পৰপত্নীৰে সম্পৰ্ক ! ২১ বছৰীয়া যুৱকক মৰিয়াই মৰিয়াই হত্যা
