নেশ্যনেল ডেস্ক,৭ ছেপ্টেম্বৰ : শেহতীয়াকৈ মণিপুৰৰ পৰিস্থিতি কিছু উন্নত হৈছিল যদিও উত্তৰ-পূৱৰ ৰাজ্যখনত পুনৰ হিংসাত্মক ঘটনা সংঘটিত হৈছে । শনিবাৰে পুৱা মণিপুৰৰ জিৰিবাম জিলাত নতুনকৈ সংঘটিত হিংসাত্মক ঘটনাত ৫ গৰাকী লোক নিহত হোৱাৰ খবৰ পোৱা গৈছে । তাৰ ভিতৰত ৪ জন সশস্ত্ৰ লোক বুলি আৰক্ষীয়ে জনাইছে ।
আৰক্ষীয়ে জনোৱা মতে উগ্ৰপন্থীয়ে জিলা সদৰৰ পৰা প্ৰায় ৫ কিলোমিটাৰ দূৰত এক নিৰ্জন স্থানত অকলশৰীয়াকৈ বাস কৰা লোক এজনৰ ঘৰত প্ৰৱেশ কৰে আৰু শুই থকা অৱস্থাতে তেওঁক গুলীয়াই হত্যা কৰে ।
In an unprecedented attack in Koutruk, Imphal West, alleged Kuki militants have deployed numerous RPGs using high-tech drones. While drone bombs have commonly been used in general warfares, this recent deployment of drones to deploy explosives against security forces and the…
— Manipur Police (@manipur_police) September 1, 2024
এই হত্যাকাণ্ডৰ পিচত জিলা সদৰৰ পৰা প্ৰায় ৭ কিলোমিটাৰ দূৰত পাহাৰত আন এক ঘটনা সংঘটিত হয় । সশস্ত্ৰ লোকসকলৰ মাজত প্ৰচণ্ড গুলীবৰ্ষণ হয় । যাৰ ফলত ৩ টা উগ্ৰপন্থীসহ ৪ জন সশস্ত্ৰ লোকৰ মৃত্যু হয় ।
এই ঘটনাবোৰ সংঘৰ্ষগ্ৰস্ত উত্তৰ-পূৱৰ ৰাজ্যখনত হিংসাৰ পুনৰুত্থানৰ অংশ আছিল । যোৱা বছৰ মে' মাহত কুকি আৰু মেইটেই সম্প্ৰদায়ৰ মাজত সংঘটিত জাতিগত হিংসাৰ পিচত যোৱা কেইসপ্তাহমানত সংঘটিত ৰকেট আক্ৰমণ আৰু ড্ৰোণৰ দ্বাৰা বোমা বিস্ফোৰণে ৰাজ্যখন কঁপাই তুলিছে ।
Today (02.09.2024) in a similar bomb attack using drones at Senjam Chirang Maning Leikai, Imphal West District, three civilians were injured. Security forces are in the area to repulse the attack.
— Manipur Police (@manipur_police) September 2, 2024
- পুনৰ হিংসাত্মক ঘটনা
১ ছেপ্টেম্বৰৰ পৰা মণিপুৰত কেইবাটাও হিংসাত্মক ঘটনা সংঘটিত হোৱা দেখা গৈছে । সন্দেহজনক কুকি উগ্ৰপন্থীয়ে ড্ৰোণ ব্যৱহাৰ কৰি ৰকেট চালিত গ্ৰেনেড আক্ৰমণত ৩১ বছৰীয়া এগৰাকী লোক নিহত হয় । ইম্ফল পশ্চিমৰ কৌট্ৰুকত হোৱা এই আক্ৰমণত দুগৰাকী আৰক্ষীসহ ৩ গৰাকী সাধাৰণ নাগৰিক আহত হয় । ইফালে ৰকেট চালিত গ্ৰেনেড আক্ৰমণক লৈ আৰক্ষী তথা নিৰাপত্তা বাহিনী শংকিত হৈ পৰিছে । এই ক্ষেত্ৰত তৃতীয় পক্ষৰ অন্তৰ্ভুক্তিৰো অনুমান কৰা হৈছে ।
Today (06.09.2024), Kuki militants have deployed long-range rockets among the civilian population in 02 (two) locations of Bishnupur District, in one of which one senior citizen civilian, RK Rabei (78) of Moirang Phiwangbam Leikai, expired and 06 (six) other civilians were… pic.twitter.com/eNjTX99QgG
— Manipur Police (@manipur_police) September 6, 2024
মণিপুৰ আৰক্ষীয়ে এই আক্ৰমণক ভয়ংকৰ বুলি অভিহিত কৰিছে আৰু কাৰিকৰী দক্ষতা আৰু সমৰ্থনৰ সন্দেহ কৰিছে । আৰক্ষীয়ে জনোৱা মতে তেওঁলোকে পৰিস্থিতি নিৰন্তৰভাৱে নিৰীক্ষণ কৰি আছে আৰু যিকোনো আকস্মিক পৰিস্থিতিৰ প্ৰতি সঁহাৰি দিবলৈ আৰক্ষী সাজু বুলিও উল্লেখ কৰিছে ।
১ ছেপ্টেম্বৰৰ আক্ৰমণৰ পিচত ২ ছেপ্টেম্বৰত অনুৰূপ বোমা আক্ৰমণৰ ঘটনা সংঘটিত হৈছে । মণিপুৰ আৰক্ষীয়ে জনোৱা মতে ইম্ফল পশ্চিম জিলাৰ চেঞ্জাম চিৰাং মণিং লেইকাইত ড্ৰোণৰ জৰিয়তে কৰা আক্ৰমণত ৩ জন সাধাৰণ লোক আহত হয় ।
ইফালে শুকুৰবাৰে পুনৰ হিংসা বৃদ্ধি পায় । কুকি উগ্ৰপন্থীয়ে ৰাজ্যখনৰ প্ৰথম মুখ্যমন্ত্ৰী মাইৰেম্বাম কইৰেং সিঙৰ মৈৰাং চহৰ বিষ্ণুপুৰ জিলাত থকা বাসগৃহকে ধৰি দুটাকৈ স্থানত ৰকেট নিক্ষেপ কৰে য'ত এগৰাকী লোক নিহত হয় আৰু আন ৬ গৰাকী আহত হয় । কুকি উগ্ৰপন্থীয়ে চুৰাচান্দপুৰৰ সমীপৰ পাহাৰৰ পৰা ৰকেট নিক্ষেপ কৰাৰ সন্দেহ কৰা হৈছে ।
আৰক্ষীয়ে জনোৱা মতে এই আক্ৰমণৰ পিচত সুৰক্ষা বাহিনীয়ে মুয়ালচাং গাঁৱত দুটা বাংকাৰ আৰু চুৰাচান্দপুৰৰ লাইকা মুয়ালচাউ গাঁৱত থকা এটা বাংকাৰ ধ্বংস কৰে ।
- উত্তেজনাময় পৰিস্থিতি
বিষ্ণুপুৰ আৰু ইম্ফল পূব জিলাৰ প্ৰান্তীয় অঞ্চলৰ লোকসকলে শুকুৰবাৰে নিশা একাধিক ড্ৰোণ প্ৰত্যক্ষ কৰাৰ পিচতে আতংকিত হৈ পৰিছে । ৰাজ্যখনত হিংসাত্মক ঘটনা পুনৰ আৰম্ভ হোৱাৰ লগে লগে চৰকাৰে শনিবাৰে মণিপুৰৰ সকলো বিদ্যালয় বন্ধ ৰখাৰ নিৰ্দেশ দিছে ।
ইফালে, মণিপুৰ অখণ্ডতা সম্পৰ্কীয় সমন্বয় সমিতিয়ে (COCOMI) বৰ্ধিত হিংসাৰ ওপৰত উদ্বেগ প্ৰকাশ কৰিছে । ক'ক'মিৰ মুখপাত্ৰ খুৰাইজাম আথৌবাই কয় যে কুকি আক্ৰমণ বৃদ্ধি পাইছে । সমন্বয় সমিতিয়ে মণিপুৰত অনিৰ্দিষ্টকালৰ বাবে জৰুৰীকালীন অৱস্থা ঘোষণা কৰিছে । লগতে নিৰাপত্তা বাহিনীক পৰিস্থিতি নিয়ন্ত্ৰণৰ আহ্বান জনাইছে ।
লগতে পঢ়ক :বিজাপুৰত বিস্ফোৰকসহ ৩ মাওবাদী কৰায়ত্ত, দুজনৰ আত্মসমৰ্পণ - Naxalites arrested in Chhattisgarh
