নেশ্যনেল ডেস্ক, ৯ জুলাই : কেন্দ্রীয় মন্ত্রী ৰৱনীত সিং বিট্টুৱে কয় যে কাৰাবন্দী খালিস্তানী বিচ্ছিন্নতাবাদী তথা খাদুৰ চাহিব লোকসভা সমষ্টিৰ সাংসদ অমৃতপাল সিঙৰ মাতৃ বলৱিন্দৰ কৌৰক ‘অমৃতপাল খালিস্তানী সমর্থক নহয়’ বুলি কৰা মন্তব্যৰ বাবে একাংশই হেঁচা প্ৰয়োগ কৰিছে ৷ সংবাদ সংস্থা ANI ৰ আগত বিট্টুৱে কয়, "সাংসদ হোৱাৰ পিচত তেওঁ ভাৰতৰ সংবিধানক সাক্ষী কৰি শপত গ্ৰহণ কৰিছিল । মাতৃয়ে এই কথা আগতেই কৈছিল । সংবিধানৰ নামত শপত গ্ৰহণ কৰি তেওঁ এতিয়া জাতি আৰু পঞ্জাবৰ কল্যাণৰ বাবে কাম কৰিব ।’’
‘‘কোনো খালিস্তানৰ কল্যাণ কৰাৰ তেওঁৰ কোনো দৰকাৰ আছে নেকি ? বাৰ খালিস্তানৰ বিষয়ে কোৱাৰো কিবা দৰকাৰ আছে নেকি ? কিছু শক্তিয়ে এই পৰিয়ালটোৰ ওপৰত হেঁচা প্ৰয়োগ কৰিছে । তেওঁৰ মাকে বহুত ভাল কথা কৈছিল আৰু আমি তেওঁক সমৰ্থন কৰা উচিত... মানুহে তেওঁক সংবিধান মতেই ভোট দিছিল আৰু তেওঁ সাংসদ হিচাবে ভাৰতৰ সংবিধানৰ নামতো শপত গ্ৰহণ কৰিছে ।" বিট্টুৱে কয় ৷
লগতে পঢ়ক : ডিব্ৰুগড় কাৰাগাৰত বন্দী হৈ থকা অমৃতপাল সিঙৰ বৃহৎ জয় - Lok Sabha Election Results 2024
৫ জুলাইত বলৱিন্দৰ কৌৰে কয়, "তেওঁ (অমৃতপাল) খালিস্তানী সমৰ্থক নহয় । পঞ্জাবৰ কথা ক'লে, পঞ্জাবৰ যুৱক-যুৱতীক সমৰ্থন কৰিলে তেওঁক খালিস্তানী সমৰ্থক হৈ পৰিবনে ? তেওঁ সংবিধানৰ পৰিসৰৰ ভিতৰতে নিৰ্বাচনত প্ৰতিদ্বন্দ্বিতা কৰিছিল আৰু এতিয়া তেওঁক (অমৃতপাল) খালিস্তানী বুলি কোৱাটো উচিত নহয় ৷ তেওঁ ভাৰতৰ সংবিধানৰ নামত শপত গ্ৰহণ কৰিছে ৷"
ইয়াৰ পূৰ্বে খাদুৰ চাহিবৰ সাংসদগৰাকীয়ে মাতৃৰ বক্তব্যক লৈ অসন্তুষ্টি প্ৰকাশ কৰি কয় যে খালছা ৰাজ্যৰ সপোন দেখাটো অপৰাধ নহয়, গৌৰৱৰ বিষয় ।
লগতে পঢ়ক : হাতত মিঠাইৰ টোপোলা লৈ ডিব্ৰুগড় কেন্দ্ৰীয় কাৰাগাৰত অমৃতপাল সিঙৰ পিতৃ-মাতৃ - Amritpal Singh
X ৰ এটা পোষ্টত অমৃতপালে পঞ্জাবী ভাষাত লিখিছে, "আজি যেতিয়া মাতাজীয়ে (মা) কালি দিয়া বক্তব্যৰ বিষয়ে জানিব পাৰিলো, তেতিয়া মোৰ বহুত দুখ লাগিছিল । খালছা ৰাজ্যৰ সপোন দেখাটো অপৰাধ নহয়, গৌৰৱৰ বিষয় । অগণন শিখ লোকে এই সপোনৰ বাবে নিজৰ প্ৰাণ ত্যাগ কৰিছে আৰু আমি এই পবিত্ৰ পথৰ পৰা পিছুৱাই যোৱাৰ সপোনো দেখিব নোৱাৰো ৷ বহুবাৰ কৈছো যে যদি মই পন্থা আৰু পৰিয়ালৰ (Panth and family) মাজৰ পৰা এটা বাছি ল’বলগীয়া হয়, তেন্তে মই সদায় পন্থাক বাছি ল’ম ৷"
উল্লেখ্য় যে, ৫ জুলাইত সংসদ কমপ্লেক্সত বহু নিৰাপত্তা বেষ্টনীৰ মাজত সংসদৰ সদস্য হিচাপে শপত গ্ৰহণ কৰিছিল অমৃতপাল সিঙে ।
লগতে পঢ়ক : সাংসদৰূপে শপতগ্ৰহণ অমৃতপাল সিঙৰ - AMRITPAL SINGH
