کشمیر: شوپیاں میں سرچ آپریشن

ریاست جموں و کشمیر کے ضلع شوپیاں کے نارواو علاقے میں سکیورٹی فورسز کی جانب سے تلاشی مہم جاری ہے۔

اطلاعات کے مطابق عسکریت پسندوں کے چھپے ہونے کی اطلاع موصول ہونے کے بعد فوج کے 34 آر آر، سی آرپی ایف اور ایس او جی جوائنٹ ٹیم نے نارواؤ علاقے کو محاصرے میں لےلیا اور تلاشی مہم شروع کی۔

وہیں ضلع پلوامہ کے ترال قصبے میں عسکریت پسندوں اور سکیورٹی فورسز کے درمیان تصادم میں 2 عسکریت پسند ہلاک جبکہ ایک عام شہری کے زخمی ہونے کی اطلاع ہے۔

واضح رہے کہ ترال قصبے میں رات بھر تلاشی مہم جاری رہنے کے بعد آج علی الصبح تصادم شروع ہو گیا تھا۔

ذرائع کے مطابق ہلاک شدہ عسکریت پسندوں کی شناخت عرفان احمد راتھر اور ادفر فیاض کے طور پر ہوئی ہے۔دونوں عسکریت پسند شدت پسند تنظیم حزب المجاہدین سے وابستہ تھے۔ راتھر کا تعلق شریف آباد سے ہے جبکہ ادفر فیاض گلشن پورہ کے رہنے والے ہے۔