جموں میں جشن کا ماحول

پلوامہ حملے کی ذمہ داری لینے والی عسکریت پسند تنظیم جیش محمد کے خلاف بھارتی فضائیہ کے کامیاب آپریشن کی جیسے ہی خبر ملی جموں میں لوگ سڑکوں پر نکل کر جشن منانے لگے۔

ریاست جموں و کشمیر کے جموں خطے میں بجرنگ دل کے کارکنوں نے پرس کلب میں پاکستان کے خلاف احتجاج کیا اور بھارتی ایئر فورس کی جانب سے فضائی حملے کی سراہنا کی۔

بجرنگ دل کے کارکنوں نے بھارتی فوج کے حق میں نعرے بازی بھی کی۔

بجرنگ دل کے ریاستی صدر راکیش بجرنگی نے میڈیا سے گفتگو کرتے ہوئے کہا کہ آج پورا ملک خوش ہے کیونکہ ہم نے بدلہ لیا ہے اور آگے بھی بدلہ لیتے رہیں گے۔