కాషాయ కండువా కప్పుకుంటున్న పాలమూరు హస్తం నేతలు

కాంగ్రెస్​పార్టీకి దెబ్బమీద దెబ్బ తగులుతోంది. ఇప్పటికే కొంత మంది గెలిచిన ఎమ్మెల్యేలు అధికార పార్టీ తెరాసలోకి వెళ్లారు. ఇటీవల భాజపాలో చేరిన డీకే.అరుణ అనుచరులు కాషాయ కండువా కప్పుకునేందుకు రంగం సిద్ధం చేసుకున్నారు.

కాంగ్రెస్ పార్టీకి పాలమూరు జిల్లాలో మరో షాక్ తగలనుంది. 11 ఏళ్లుగా కాంగ్రెస్ పార్టీ నియోజకవర్గ ఇన్​ఛార్జిగా కొనసాగుతున్న డోకూరు పవన్ ​కుమార్​రెడ్డి భాజాపాలో చేరేందుకు సిద్ధమయ్యారు. ఈనెల 29న మోడీ హాజరవుతున్న మహబూబ్​నగర్ సభలో పవన్ ​కుమార్ తన అనుచరులతో కలసి డీకే అరుణ సమక్షంలో కమల తీర్థం పుచ్చుకోనున్నారు.

పార్టీ వీడుతున్న నేతలు...

డీకె. అరుణతో రెండు మూడు రోజుల నుంచి జరిపిన సంప్రదింపుల అనంతరం ఈ విషయాన్ని అధికారికంగా ప్రకటించారు. పవన్ ​కుమార్​తో పాటు అడ్డాకుల మండలం కాంగ్రెస్ పార్టీ అధ్యక్షులు, మరికొంత మంది నేతలు పార్టీ వీడనున్నట్లు తెలుస్తోంది.

ఇవీ చూడండి:తెలంగాణ సీఎం కేసీఆర్​కు హైకోర్టు నోటీసులు