హైదరాబాద్ సోమాజిగూడలోని ప్రెస్ క్లబ్లో ఆడ్‌గ్రీన్‌కోట్‌ పెయింట్‌ను తొలిసారిగా మార్కెట్లోకి తీసుకొచ్చారు. ఈ కార్యక్రమంలో సన్ షాడో టెక్నాలజీస్ సంస్థ వైస్ ఛైర్మన్ కె.వి. రావు పాల్గొన్నారు. ఇది పూర్తిగా నీటి ఆధారిత పూత అని 5 సంవత్సరాల వారంటీతో మార్కెట్లో అందుబాటులో లభిస్తుందని ఆయన వెల్లడించారు. వాణిజ్య భవనాలు, ఇల్లు, విల్లా, గిడ్డంగులు, థియేటర్లు, స్టూడియోలు, ఆసుపత్రులు, స్టార్ హోటల్స్‌, కార్పొరేట్‌ ఆఫీసులు, ట్రాన్స్‌పోర్ట్‌ వాహనాలు, కోల్డ్‌స్టోరేజిలు, వర్క్‌షాప్‌, స్కూల్స్‌ వంటి వాటికి వినియోగించుకోవచ్చని తెలిపారు. ఈ కోట్ 20 నుంచి 25 శాతం ఉష్ణోగ్రతను తగ్గిస్తుందన్నారు. త్వరలోనే ఇతర రాష్ట్రాల్లో సైతం ఆడ్గ్రీన్ కోట్ పెయింట్ సేవలను అందుబాటులోకి తెస్తామని కె.వి.రావు తెలిపారు.
తొలిసారిగా మార్కెట్లోకి అందుబాటులోకి