ఆరుగురు శిశువులకు ఒకేకాన్పులో జన్మనిచ్చింది పోలెండ్కు చెందిన ఓ మహిళ. ఆ దేశంలో ఇలా జరగడం ఇదే తొలిసారి.
క్రకోవ్ నగరంలోని వైద్య విశ్వవిద్యాలయ ఆసుపత్రిలో ఆరుగురు పిల్లలకు జన్మనిచ్చింది 29 ఏళ్ల ఓ మహిళ. జన్మించిన వారిలో నలుగురు అమ్మాయిలు, ఇద్దరు అబ్బాయిలు. ప్రస్తుతం తల్లి, ఆరుగురు శిశువులు ఆరోగ్యంగా ఉన్నట్లు వైద్యులు తెలిపారు.
పిల్లలు సుమారు 890 గ్రాముల నుంచి 1.3 కిలోగ్రాముల వరకు బరువు ఉన్నారని వైద్యులు తెలిపారు. ఆ మహిళకు ఇప్పటికే రెండేళ్ల బాలుడు ఉన్నాడని చెప్పారు. ఇలాంటి సంఘటనలు చాలా అరుదుగా చోటు చేసుకుంటాయని వైద్యులు పేర్కొంటున్నారు.
ఆ దేశ అధ్యక్షుడు అండ్రెజెజ్ డుడా ట్విట్టర్ వేదికగా పిల్లల తల్లిదండ్రులకు శుభాకాంక్షలు తెలిపారు. వైద్యులకు కృతజ్ఞతలు చెప్పారు.