'ఇమ్రాన్​... ముందు మీరు శిక్షణ తీసుకోండి'

పాకిస్థాన్​ ప్రధాని ఇమ్రాన్​ ఖాన్​ తీరుపై ఆ దేశ ప్రజలు సామాజిక మాధ్యమాల్లో మండిపడుతున్నారు. పాకిస్థాన్​ పీపుల్స్​ పార్టీ అధ్యక్షుడు బిలావల్​ భుట్టోను 'సాహిబ'​ అని సంబోధించడమే ఇందుకు కారణం.

పాకిస్థాన్ ప్రధాని ఇమ్రాన్ ఖాన్​పై ఆ దేశ ప్రజల నుంచి సామాజిక మాధ్యమాల్లో నిరసనలు వెల్లువత్తుతున్నాయి. పాకిస్థాన్​ పీపుల్స్​ పార్టీ అధ్యక్షుడు బిలావల్​ భుట్టో జర్దరీని 'సాహిబ'(మేడమ్​) అని సంబోధించారు ఇమ్రాన్​.

తాను జీవితంలో శ్రమించి, ఎన్నో కష్టాలు పడి ప్రధాని స్థాయికి చేరుకున్నాని... బిలావాస్​ సాహిబ లాగా తల్లి అండదండలతో పార్టీ అధ్యక్షుడిని కాలేదని ఇమ్రాన్​ ఖాన్​ వ్యాఖ్యనించారు.

ప్రధాని స్థాయి వ్యక్తి ఇలాంటి వ్యాఖ్యలు చేయడం సరికాదని ట్విటర్​లో పాక్​ నెటిజన్లు ఇమ్రాన్​ పై విమర్శలు గుప్పించారు. స్త్రీలు, పురుషుల మధ్య తేడాను గుర్తించేలా ప్రధానికి శిక్షణ ఇప్పించాలని ట్వీట్లు చేశారు.

ఇదీ చూడండి: 'బాలీవుడ్​లో అవకాశాల కోసమే మోదీ ప్రయత్నం'