క్షణాల్లో కచ్చితమైన కొలతలు తీసిచ్చే సాంకేతికత
మహిళలు లోదుస్తులు కొనాలంటే ఎన్నో ఇబ్బందులు పడాల్సి ఉంటుంది. సరైన కొలతల్లో లోదుస్తులు కొనుక్కోవటం వారికి సవాలే. ఒక్కోసారి అవి సరిపడక అసౌకర్యానికి లోనవుతారు. ఇలాంటి సమస్యలకు చెక్ పెడుతూ జపాన్లోని 'వాకోల్' మహిళల లోదుస్తుల కంపెనీ.. కొత్త సాంకేతికతను అందుబాటులోకి తెచ్చింది. టోక్యోలోని హరాజుకు స్టోర్లో త్రీడీ టెక్నాలజీని జోడించి శరీరాన్ని స్కాన్ చేసి సెకన్లలో కొలతలు తీసిస్తున్నారు.
"మేము ఈ స్కానర్ను రూపొందించడానికి కారణం.. మాకు చాలామంది కస్టమర్ల నుంచి సూచనలు వచ్చాయి. వారు సేల్స్ సిబ్బందితో లోదుస్తుల కొలతల విషయంలో చర్చించే క్రమంలో ఇబ్బందులు ఎదురవుతున్నాయని, అలాగే వాటిని ధరించేటప్పుడు సరిగ్గా సరిపోయే విధంగా ఉండాలని కోరుకున్నారు."
-చీజా మినామి, త్రీడీ స్మార్ట్ & ట్రై బోధకుడు