"నాకు మరణశిక్ష విధించక ముందు మా అమ్మ మరణించింది. నేను అప్పుడు బయటికి వచ్చి నా పిల్లలతో ఉండాలనుకున్నాను. నా పిల్లలు తప్ప కుటుంబంలో అందరూ మరణించారు."-క్లిఫ్ఫర్డ్ విలియమ్స్
హత్య చేశారనే అభియోగంతో ఫ్లోరిడా పోలీసులు 1976 సంవత్సరంలో వీరిని అరెస్టు చేశారు. నైనా మార్షల్ అనే ఆమె తన సహచరుడు జేనెట్ విలియమ్స్తో కలసి నిద్రిస్తుండగా విలియమ్స్, మేయర్స్ తమపై కాల్పులు జరిపారని వీరిపై ఫిర్యాదు చేసింది. ఈ ఘటనలో జేనెట్ విలియమ్స్ అక్కడికక్కడే మృతి చెందారు. నైనా మార్షల్ గాయపడ్డారు. కాల్పులు జరిపింది తాము కాదని ఆ సమయంలో ఓ పుట్టిన రోజు వేడుకలో ఉన్నట్లు కోర్టులో వాదించారు ఈ ద్వయం. వారి తరఫున సాక్షులున్నప్పటికీ విధి వారిపై శీతకన్ను వేసింది. మాదక ద్రవ్యాల కేసులో చిక్కుకున్నారు. అప్పటికే హత్యారోపణలుండటం, మాదకద్రవ్యాల కేసులో చిక్కుకోవడం వల్ల కోర్టు జీవితకాలం పాటు జైలుశిక్షను విధించింది.