ప్రఖ్యాత ఏనుగు పార్థన్​ మృతి- మావటి కన్నీరు

కేరళలోని పలు దేవాలయాల్లో సేవలందించే పార్థన్ అనే ఏనుగు మృతి చెందింది. పార్థన్ బాగోగులు చూసుకునే మావటి కన్నీరు పెట్టిన సన్నివేశం పలువురిని కంటతడి పెట్టించింది.

కేరళలోని పలు దేవాలయాల్లో పండగైతే 'చెరుపుళ్లస్సెరి పార్థన్' అనే ఏనుగుదే ప్రధాన ఆకర్షణ. ఊరేగింపుల్లో చురుకుగా పాల్గొనేది. ఊరేగింపులో ఉత్సవ విగ్రహాన్ని రాజసంగా మోసేది అందరూ యువరాజుగా పిలిచే పార్థన్. శక్తి ఉన్నంతకాలం వల్లువనాడ్​ పరిసర ప్రాంతాల్లోని ఆలయల్లో సేవలే పార్థన్​కు పరమావధి.

44 ఏళ్ల నిండు వయస్సులో పార్థన్​ కన్నుమూసింది. ఈ ఏడాది త్రిశూర్​పురం ఆలయ ఉత్సవాల్లో కనిమంగళం శాస్త విగ్రహాన్ని పార్థన్ మోయాల్సి ఉంది. కానీ పార్థన్​ మృతితో అక్కడివారు బాధపడ్డారు.

గత నాలుగు నెలలుగా పార్థన్ అనారోగ్యంతో బాధపడుతోంది. పార్థన్​ను శబరి వ్యాపార సంస్థ వారు పెంచారు. శబరి సంస్థకు చెందిన ఏనుగుల క్యాంపులో పార్థన్​ మృతి చెందింది. ఏనుగు బాగోగులు చూసుకునే మావటి పార్థన్​ను పట్టుకుని ఏడ్చిన సన్నివేశం పలువురిని కంటతడి పెట్టించింది.

ఇదీ చూడండి: 'కాంగ్రెస్ నేతల వ్యాఖ్యలు బాధ కలిగించాయి'