ఫ్లెక్సీలో ఫొటో లేదని వైసీపీ ఎమ్మెల్సీ చిందులు - ఎమ్మెల్యే చెప్పినా వినకుండా ఆగ్రహం - AP Latest News
By ETV Bharat Andhra Pradesh Team
Published : Dec 3, 2023, 9:29 PM IST
YCP MLC Angry on Officials Over Lack of Photo in Flexi:అధికారం చేతిలో ఉంది కదా అని వైసీపీ నాయకులు ప్రతీ చిన్న విషయానికి రెచ్చిపోతున్నారు అనే దానికి కర్నూలు జిల్లాలో జరిగిన ఈ ఘటనే నిదర్శనం. జిల్లాలోని ఆదోనిలో రెవెన్యూ అధికారులపై వైసీపీ ఎమ్మెల్సీ మధు సూదన్ ఆగ్రహం వ్యక్తం చేశారు. పట్టణంలోని ఆర్ట్స్ కళాశాల ఆడిటోరియంలో పేదలకు అసైన్డ్ భూమి పత్రాలు పంచే కార్యక్రమం జరిగింది. ఈ కార్యక్రమంలో వైసీపీ ఎమ్మెల్యే సాయి ప్రసాద్ రెడ్డి, సబ్ కలెక్టర్ అభిషేక్ పాల్గొన్నారు. అధికారులు ప్రోటోకాల్ పాటించలేదని ఎమ్మెల్యే సాయి ఎదుటే ఎమ్మెల్సీ అసంతృప్తి వ్యక్తం చేశారు.ఫ్లెక్సీలో ఫొటో లేదని అధికారులపై చిందులు వేశారు.
సొంత పార్టీ నాయకుడే ఆగ్రహం చెందడంతో విషయం చర్చనీయాంశమైంది. ఆగ్రహించిన ఎమ్మెల్సీని ఎమ్మెల్యే సాయి వేదికపైకి పిలిచి నచ్చజెప్పే ప్రయత్నం చేశారు. కానీ మధు సూదన్ ఎంతకీ వినలేదు. అంతా సద్దుమణిగిన అనంతరం పేదలకు అసైన్డ్ భూమి పత్రాలను అందజేశారు.