ఉద్ధృతంగా ప్రవహిస్తున్న వైరా కట్టలేరు వాగు - నిలిచిపోయిన రాకపోకలు

Wyra Kattaleru River Overflowing with Rain Water: మిగ్​జాం తుపాను(Michaung Cyclone) ప్రభావంతో రాష్ట్రంలో ఎడతెరపిలేకుండా కుండపోత వర్షాలు కురుస్తున్నాయి. వాగులు, వంకలు పొంగిపొర్లుతూ తీరప్రాంతాలన్నీ జలమయమయ్యాయి. తుపాను ప్రభావంతో ఎన్టీఆర్ జిల్లాలోని నందిగామ మండలం దాములూరు వద్ద వైరా-కట్టలేరు వాగు ఉద్ధృతంగా ప్రవహిస్తోంది. దీంతో ఏపీ, తెలంగాణ మధ్య రాకపోకలు నిలిచిపోయాయి. దాములూరు కూడలి వద్ద లో లెవెల్ కాజ్​ వే పై వరద ప్రవహిస్తోంది. దీంతో నందిగామ మండలం దాములూరి కూడలి నుంచి వీర్లపాడు మండలం, పల్లంపల్లి మధ్య రాకపోకలు నిలిచిపోయాయి. 

Michaung Cyclone Effect in NTR District: దీంతో వాహనదారులు, స్థానికులు తీవ్ర ఇబ్బందులు పడుతున్నారు. ఇదే ప్రాంతంలో దశాబ్దం క్రితం హై లెవెల్ కాజ్​ వే నిర్మించారు. అయితే దీనికి అనుసంధానంగా రోడ్లు వేయలేదు. దీంతో వైరా-కట్టలేరుకు వరద (Vaira Kattaleru River Floods) వస్తే దీనిపై రాకపోకలు సాగించేందుకు వీలులేకపోవటంతో జనానికి ఇబ్బందులు తప్పట్లేదు.