World Tourism Day Celebrations in AP: విజయవాడలో ఘనంగా ప్రపంచ పర్యాటక దినోత్సవ వేడుకలు.. - NTR District Latest News
By ETV Bharat Andhra Pradesh Team
Published : Sep 28, 2023, 11:28 AM IST
World Tourism Day Celebrations in AP: విశాఖలో జరిన పెట్టుబడిదారుల సదస్సుతో రాష్ట్రంలో 117 టూరిజం ప్రాజెక్ట్‌ల ఏర్పాటుకు 19వేల514 కోట్ల రూపాయల ఒప్పందాలు జరిగాయని పర్యాటక శాఖ మంత్రి రోజా తెలిపారు. పర్యాటక శాఖ ఆధ్వర్యంలో విజయవాడ తుమ్మలపల్లి కళాక్షేత్రంలో ప్రపంచ పర్యాటక దినోత్సవ వేడుకలు నిర్వహించారు. ఈ వేడుకలకు ముఖ్య అతిథిగా హాజరైన మంత్రి రోజా.. పర్యాటక రంగ అభివృద్ధికి విశేష కృషి చేసిన వివిధ సంస్థలకు అవార్డులను అందచేశారు. రాష్ట్రంలో పర్యాటక రంగ ఉన్నతి కోసం టూర్స్ ట్రావెల్స్, హోటల్ ఆపరేటర్లు, హాస్పిటాలిటీ రంగ భాగస్వాములందరితో కలిసి ఏపీ టూరిజం ఫోరంను ఏర్పాటు చేస్తున్నామని రోజా చెప్పారు.
" ఏపీలో 117 టూరిజం ప్రాజెక్ట్‌ల ఏర్పాటుకు 19వేల514 కోట్ల రూపాయల ఒప్పందాలు జరిగాయి. రాష్ట్రంలో పర్యాటక రంగ ఉన్నతి కోసం టూర్స్ ట్రావెల్స్, హోటల్ ఆపరేటర్లు, హాస్పిటాలిటీ రంగ భాగస్వాములందరితో కలిసి ఏపీ టూరిజం ఫోరంను ఏర్పాటు చేస్తున్నాము." - ఆర్.కె. రోజా, పర్యాటక శాఖ మంత్రి