Volunteer Belt Shop in Tadepalli : తాడేపల్లిలో బెల్ట్‌షాప్‌ నిర్వహిస్తున్న వాలంటీర్‌.. సోషల్ మీడియా గ్రూపులు పెట్టి మద్యం డెలివరీ - తాడేపల్లి వార్తలు

Volunteer Belt Shop in Tadepalli :వైసీపీ అధికారంలోకి వచ్చాక బెల్టు షాపులు రద్దు చేశామంటూ సీఎం జగన్‌ మొదలుకుని.. ఆ పార్టీ నాయకుల వరకూ ఊదరగొడుతుంటే ముఖ్యమంత్రి జగన్ నివాసం ఉంటున్న తాడేపల్లిలో ఓ వాలంటీర్ ఏకంగా బెల్టు షాపు నిర్వహిస్తుండడం చర్చనీయాంశమైంది.

సీఎం జగన్ నివాసం ఉంటున్న తాడేపల్లిలో ఓ వాలంటీర్ బెల్ట్ షాప్ నిర్వహిస్తుండగా పోలీసులు పట్టుకున్నారు. పోలీసులు తెలిపిన వివరాల ప్రకారం సీఎం క్యాంప్‌ కార్యాలయానికి కూతవేటు దూరంలో ఉన్న సచివాలయంలో పనిచేసే వాలంటీర్ శ్రీనివాస్.. గత కొంత కాలంగా సోషల్ మీడియాలో గ్రూప్​లు ఏర్పాటు చేసి మద్యాన్ని డోర్ డెలివరీ చేస్తున్నట్లు పోలీసులు గుర్తించారు. వాలంటీర్ శ్రీనివాస్, అతన సహాయకుడు కిషోర్​ను అదుపులోకి తీసుకున్న పోలీసులు.. వీరి వద్ద నుంచి 130 మద్యం సీసాలు స్వాధీనం చేసుకున్నారు. వాలంటీర్ ముసుగులో అక్రమ మద్యం వ్యాపారం చేస్తున్నట్లు తెలిపారు. దీనిపై పక్కా సమాచారం అందుకున్న తర్వాతే దాడి చేసి శ్రీనివాస్​ను పట్టుకున్నామని ఎస్సై రమేష్ తెలిపారు.