Gold Ring Theft : కంచెే చేను మేస్తే.. హుండీ లెక్కింపులో సూపరింటెండెంట్​ చేతివాటం - crime news in ap

Venkateswara Swamy Gold Ring Theft: దేవుడి కానుకలకు రక్షణగా నిలవాల్సిన ఓ అధికారి చేతివాటం ప్రదర్శించారు. స్వామి వారికి కానుకగా వచ్చిన ఓ బంగారు ఆభరణాన్ని తస్కరించింది. ఈ ఘటన గుంటూరు జిల్లా తెనాలిలోని శ్రీ పద్మావతి సమేత వేంకటేశ్వర స్వామి ఆలయంలో బుధవారం చోటుచేసుకుంది. ఈ ఏడాది ఏప్రిల్ నుంచి నిన్నటి వరకు స్వామి వారికి వచ్చిన కానుకల లెక్కింపు కార్యక్రమాన్ని ప్రారంభించారు. సూపరింటెండెంట్​ నిర్మలా రాణి, ఆలయ సిబ్బంది, వాలంటీర్లు కలసి హుండీని తెరిచారు. ఆరోజు గోల్డ్ అప్రైజర్ రానందున దేవుడికి వచ్చిన బంగారం, వెండి ఆభరణాలను పక్కన పెట్టారు. ఇదే అదనుగా భావించిన సూపరింటెండెంట్​ నిర్మలా.. బంగారు ఆభరణాలను పక్కకు పెడుతున్నట్లు నటించి.. అందులో ఓ ఉంగరాన్ని చేతికి తొడుక్కున్నారు. దీనిని గమనించిన సిబ్బంది.. ఈవో తిమ్మానాయుడు దృష్టికి తీసుకువెళ్లారు. విచారించిన ఆయన ఉంగరాన్ని దొంగలించినట్లు నిర్ధారించుకొని ఆమెను సస్పెండ్ చేశారు.

గతంలో కూడా చేతివాటం:  నిర్మలారాణి గతంలో పెదకాకాని ఆలయంలో పనిచేసేది. కరోనా సమయంలో నగదు బీరువాలో పెడుతూ కొంత నగదును దొంగిలించింది. ఆ నగదును ఆలయ సిబ్బందికి అప్పుగా ఇవ్వటంతో అనుమానం వచ్చి సీసీ ఫుటేజ్ పరిశీలించగా దొంగతనం చేసినట్లు గుర్తించి అక్కడ నుంచి ఆమెను సస్పెండ్ చేశారు. అనంతరం వైకుంఠపురం ఆలయంలో సూపరింటెండెంట్​గా విధుల్లోకి చేరారు. కాగా 53 లక్షల 97వేల 548 రూపాయలు కానుకల ద్వారా ఆదాయం వచ్చినట్లు వెల్లడించారు.