ఉరకలెత్తిన ఉత్సాహం.. టీడీపీ శ్రేణుల సంబరాలు

ఎమ్మెల్యే కోటా ఎమ్మెల్సీ ఎన్నికల్లో టీడీపీ అభ్యర్థి 23 ఓట్లతో పంచుమర్తి  అనురాధ విజయం సాధించారు. టీడీపీ అధినేత నారా చంద్రబాబు నాయుడు ఆమెకు శుభాకాంక్షలు తెలిపారు. అలాగే నారా లోకేశ్, నందమూరి బాలకృష్ణ ఆమెకు శుభాకాంక్షలు తెలియజేశారు. మండలి ఎన్నికల్లో తెలుగుదేశం పార్టీ విజయం సాధించడంపై ఆ పార్టీ శ్రేణులు రాష్ట్ర వ్యాప్తంగా సంబరాలు చేసుకున్నాయి. అన్ని పార్టీ కార్యాలయ్యాల్లో భారీ కేక్​లు కట్ చేశారు. బాణసంచా కాల్చి మిఠాయిలు పంచారు. ఊరూ వాడా, చిన్న పెద్ద, ముసలి ముతక అనే వయస్సుతో సంబంధం లేకుండా సంబరాలను నెక్ట్స్ లెవెల్​కు తీసుకెళ్లారు. రహదారుల వెంబడి బైక్ ర్యాలీలు చేశారు. జై తెలుగుదేశం...  జై జై తెలుగుదేశం అనే నినాదాలతో విధి విధి హోరెత్తించారు. సమరానికి సై సై సైకిల్ అంటూ, సైకిల్ జోరును ఎవరూ ఆపలేరనే విధంగా సంబరాలు జరుపుకున్నారు. టీడీపీ జెండాను రెపరెపలాడిస్తున్నారు. తెలుగు రాష్ట్రాన్ని సంబరాలతో పసుపుమయం చేశారు.  వచ్చే ఎన్నికల్లో ఇదే ఉత్సాహంతో పని చేస్తామని టీడీపీ నాయకులు అంటున్నారు.