శ్రీకాళహస్తీశ్వరాలయంలో 120మంది రష్యన్​ భక్తులు - సందడిగా ఆలయ ప్రాంగణం - శ్రీకాళహస్తీశ్వర ఆలయంలో రష్యా భక్తులు

Russian Devotees at Srikalahasteeswara Temple : తిరుపతి జిల్లా శ్రీకాళహస్తీశ్వర ఆలయంలో రష్యా భక్తుల సందడి  చేశారు. సుమారు 120 మంది వరకు రష్యాకు చెందిన పర్యటకులు హిందూ సంప్రదాయ వస్త్రాలను ధరించి శివనామస్మరణలతో శ్రీ వాయలింగేశ్వర స్వామి సమేత శ్రీ జ్ఞాన ప్రసూనాంబికా దేవిని దర్శించుకున్నారు. ఆలయ అధికారులు రష్యా భక్తులకు స్వాగతం పలికి దర్శన ఏర్పాట్లు చేశారు. అనంతరం శ్రీ మేధో గురుదక్షిణామూర్తి సన్నిధిలో వేద పండితులు మంత్ర ఆశీర్వచనాలతో తీర్థ ప్రసాదాలను అందజేశారు. విదేశీ భక్తులతో స్థానికులు సెల్ఫీలు తీసుకునేందుకు పోటీ పడ్డారు. ఇంత మొత్తంలో విదేశీ భక్తులు శ్రీకాళహస్తీశ్వర ఆలయానికి రావడంతో స్థానిక భక్తులు వారిని ఆసక్తిగా తిలకించారు.

భక్తులు దక్షిణ కాశీగా పిలుచుకునే శ్రీకాళహస్తీశ్వర ఆలయానికి రోజురోజుకు విదేశీ భక్తుల పర్యటన పెరుగుతోంది. గత సెప్టెంబర్​ నెలలో కూడా రష్యా భక్తులు ముక్కంటి దర్శనాన్ని చేసుకున్నారు. శివనామస్మరణతో ఆలయ ప్రాంగాణం మార్మోగింది. ఆలయ నిర్మాణాన్ని తిలకించిన రష్యా భక్తులు శిల్పకళకు ముగ్దులయ్యారు. వారు ఆలయంలో సెల్ఫీలు దిగుతూ సంతోషం వ్యక్తం చేశారు.