ఆర్టీసీ డిపోలో ఎండీ ఆకస్మిక తనిఖీ - సమస్యలు 100 రోజుల్లో పరిష్కరిస్తామని హామీ - ఆంధ్రప్రదేశ్ రాష్ట్ర వార్తలు

RTC MD Sudden Inspection in Bus stand: రాష్ట్రంలో 1500 డీజిల్ బస్సులు, 1000 ఎలక్ట్రిక్ బస్సులు అందుబాటులోకి  తీసుకురావడానికి ప్రయత్నిస్తున్నామని ఎపీఎస్ ఆర్​టీసీ ఎండీ ద్వారకా తిరుమలరావు తెలిపారు. మరో 200 డీజిల్ బస్సులను ఎలక్ట్రికల్ బస్సులుగా మార్పులు చేస్తున్నామన్నారు. ఆర్​టీసీ ద్వారా ప్రయాణికులకు మెరుగైన సేవలు అందించాలనే ఉద్దేశంతో ఈ ఆలోచన చేస్తున్నామని పేర్కొన్నారు.  

1500 diesel, 1000 electrical buses Trying to Make Available: ఎన్టీఆర్ జిల్లా, తిరువూరు ఆర్టీసీ ఎండీ  సి.హెచ్. ద్వారకా తిరుమల రావు ఆకస్మికంగా తనిఖీ చేశారు. ఆర్టీసీ డిపోలో సమస్యలను.. అక్కడ సిబ్బంది, ప్రయాణికులను  అడిగి తెలుసుకున్నారు. ఈ సందర్భంగా ఆర్టీసీ డిపోలో గుర్తించిన సమస్యలను 100 రోజుల్లో పరిష్కరిస్తామని హామీ ఇచ్చారు. బస్టాండ్లలో  ప్రజలకు ఎటువంటి అసౌకర్యం కలుగకుండా చూసుకుంటామని స్పష్టం చేశారు. తాగునీరు, టాయిలెట్స్ విషయంలో ఎటువంటి ఇబ్బందులు లేకుండా తగిన చర్యలు తీసుకుంటామని వెల్లడించారు.