Raghurama on Viveka case: వివేకా హత్య కేసు.. త్వరలోనే బయటపడనున్న పెద్దల పేర్లు: రఘురామ - Viveka murder case news

Raghuramakrishna Raju comments on Viveka murder case: వివేకా హత్య కేసులో ఇంకా కొంత మంది పెద్దల పేర్లను సీబీఐ త్వరలోనే బయటపెడుతుందని నరసాపురం ఎంపీ రఘురామకృష్ణరాజు అన్నారు. వివేకా హత్య కేసులో జరుగుతున్న విషయాలపై పలు వ్యాఖ్యలు చేశారు. ఆ రోజు గంగిరెడ్డి, అవినాష్​రెడ్డి మధ్య ఏం జరిగింది అనే విషయంపై పలు రకాల వ్యాఖ్యలు చేశారు. వివేకా హత్య జరిగిన రోజు రాత్రి ఒంటి గంట 37 నిమిషాల నుంచి ఉదయం 5 గంటల 18 నిమిషాల వరకు గంగిరెడ్డి, అవినాష్​రెడ్డి మాట్లాడుకున్నారు. ఇలా ఆ రోజు రాత్రి అనేక కాల్స్​ వెళ్లాయని ఆరోపించారు. ఇంతే కాకుండా వెరే నంబర్లకు కూడా ఫోన్లు వెళ్లాయని అన్నారు. హత్య జరిగిన సమయంలో ఎందుకని అన్ని సార్లు ఫోన్లు వచ్చాయని అన్నారు. సీబీఐ చార్జ్​షీట్​లో ఇంకా కొన్ని పేర్లు పెట్టలేదు.. కొన్ని రోజులు ఆగితే అన్ని పేర్లు బయటకు వస్తాయని అన్నారు. అంతే కాకుండా గంగిరెడ్డి, అవినాష్‌రెడ్డి మధ్య.. వాట్సప్‌ కాల్స్ చిట్టా సీబీఐ అదనపు ఛార్జ్‌షీట్‌లో బయటపడిందని రఘురామ వెల్లడించారు.