PRATHIDWANI: పోలవరం నిర్మాణం ఆలస్యానికి కారణమేంటి? - ఏపీ వార్తలు

Prathidwani: ఒక అడుగు ముందుకు - నాలుగు అడుగులు వెనక్కు. ఆంధ్రప్రదేశ్ జీవనాడి... పోలవరం బహుళార్థ సాధక ప్రాజెక్టు ప్రస్తుతం పరిస్థితి ఇది. గడువులు మీద గడువులు దాటి పోతున్నాయి. ప్రాజెక్టు పూర్తయ్యే దారి మాత్రం కనిపించడం లేదు. నీరిచ్చేది ఎప్పుడు అంతుబట్టడం లేదు. కొద్ది రోజులుగా ఈ ప్రాజెక్టుకు సంబంధించి ఎటు చూసినా... ప్రశ్నలే. ముంపు వివాదాలు, నిర్వాసితుల వెతలు, సాంకేతిక సమస్యలు... ఇలా చెప్పుకుంటూ పోతే చాంతాడంత అవుతుంది ఆ జాబితా. ఈ పరిస్థితుల్లోనే పోలవరం ప్రాజెక్టుకు సంబంధించి కీలక వ్యాఖ్యలు చేసింది దేశ సర్వోన్నత న్యాయ స్థానం. ముంపు సమస్యల పరిష్కారంపై కేంద్రం జోక్యం చేసుకోవాలని.. ఈ నెలలోనే ప్రభావిత రాష్ట్రాలతో సమావేశం నిర్వహించాలని ఆదేశించింది. మరోవైపు జాతీయ ప్రాజెక్టుల డైరక్టర్‌ నుంచి పోలవరం తొలిదశపై కసరత్తు మొదలైన కబురు అందింది. అసలు పోలవరం ఎందుకింత ఆలస్యం అవుతోంది? ప్రాజెక్టు పూర్తయ్యే దారేది? ఇదే అంశంపై నేటి ప్రతిధ్వని.