సోదరుల మధ్య సెల్​ఫోన్​ వివాదం - తమ్ముడిని అతికిరాతకంగా చంపిన అన్న

Older Brother Killed His Younger Brother : సెల్​ఫోన్​ విషయంలో గొడవ పడి తమ్ముడిని అన్న అతి కిరాతకంగా హత్య చేసిన సంఘటన అనంతపురం జిల్లాలో వెలుగుచూసింది. మృతుడు వివరాల్లోకి వెళ్లితే జిల్లాలోని శెట్టూరు మండలం కనకూరు గ్రామంలో రవికుమార్​, కృష్ణమూర్తి అనే అన్నదమ్ములు నివాసం ఉంటున్నారు. వీరి ఇరువురు తరచూ గొడవ పడేవారని స్థానికులు తెలిపారు. ఆ క్రమంలోనే బుధవారం ( నవంబర్​ 6న ) సెల్​ఫోన్ విషయంలో పరస్పరం కొట్టుకున్నారని స్థానికులు తెలిపారు.

Younger Brother was Killed :బుధవారం జరిగిన సంఘటనకు ఆగ్రహించిన రవికుమార్​ గురువారం రాత్రి ( నవంబర్​ 7న ) కృష్ణమూర్తి నిద్రిస్తుండగా గొడ్డలితో నరికినట్లు పోలీసులకు తెలిపారు. తమ్ముడిని హత్య చేసిన అనంతరం నిందితుడు రవికుమార్​ పోలీస్​ స్టేషన్​ లొంగిపోయినట్లు పేర్కొన్నారు. గ్రామంలో దారుణంగా జరిగిన హత్య వార్త విన్న స్థానికులు భయాందోళనకు గురయ్యారు. ఈ విషయంలో లోతైన దర్యాప్తు చేపట్టామని పోలీసు అధికారులు తెలిపారు.